وصفه البان كيك بابسط طريقه وأقل التكاليف
وصفه البان كيك🥞
تحضير وصفه البان كيك في البيت بارخص التكاليف وكل المكونات من البيت
البان كيك من الوصفات الحلوه اللي بيحبها كل الكبار والصغار وصفه سهله وسريعه ومكوناتها موجودة في كل بيت تنفع وجبه عشاء تنفع وجبه فطار وكمان ليها نكهات كتييير وكمان تنفع لو عامله دايت لأن سعراتها الحراريه قليله جدا فمن الممكن تاخديها وجبه الافطار بتاعك ودلوقتي هقول ليكم علي طريقتها بالتفصيل:
المقادير:
كوب من الحليب
اتنين بيضه
ثلاث ملاعق كبار سكر
رشه فانيليا
رشه ملح
كوب من الدقيق
نصف ملعقه من البيكنج بودر
للتزيين:
عسل/سكر بودره/صوص شيكولاته/صوص فراوله/فواكه حسب الرغبه كله اختياري
الطريقه:
نضع حبيبتان البيض ومعهم رشه من الفانيليا او يمكن استخدام فانيليا سائله ونخلطهم جيدا بمضرب يدوي او مضرب كهربائي
نضع ملعقتان من السكر فوق البيض مع رشه الملح ونقلب جيدا
نحضر كوب الدقيق المنخول ونضع عليه نصف ملعقه من البيكنج بودر ونقلبهم جيدا ثم نضعهم علي خليط البيض والسكر ونضع اللبن واحده واحده حتي نحصل علي قوام متوسط ونترك الخليط يرتاح لمده عشر دقائق
نحضر مقلاه تيفال ولو مش متوفر اي مقلاه وندهنها بقطعه من الزبده الصغيره البان كيك ونضع بالملعقه كميه صغيره من الخليط حتي تصبح علي شكل دائرة ثم تقلب في الاتجاه الآخر حتي تأخذ لون ذهبي ونكرر العمليه حتي الانتهاء من الخليط
طريقه التزيين نضع حبات البان كيك فوق بعضهم ونضع عليهم العسل الابيض او يمكن وضع صوص الشيكولاته أو أي صوص ممكن تحبيه ويمكن وضع قطع من الفواكه فراوله أو موز أو كيوي للتزيين
وهيبقي احلي فطار صحي ليكي ولطفلك ولو عجبتكم الطريقه متنسيش التعليق الحلو بتاعك و تتابعين ولو عايزين اي وصفه اكتبيلي في التعليقات وانا هقول الوصفه بارخص التكاليف
بان كيك الشيكولاته:
المقادير:
كوب الا ربع دقيق
ملعقه من الكاكاو
ثلاث ملاعق كبار سكر
رشه ملح
رشه فانيليا
نصف ملعقه من البيكنج بودر
كوب من الحليب
اتنين بيضه
الطريقه: نضع البيض مع الفانيليا ونخلط جيدا ومعهم السكر ورشه الملح
ننخل الدقيق مع الكاكاو والبيكنج بودر ونضعهم علي خليط البيض والسكر وتخفف القوام باللبن حتي نحصل علي قوام البان كيك ونحضر طاسه تيفال نضع فيها الخليط ويزين بصوص الشيكولاته وبالهنا والشفا
