مش هتفشل تانى خلاص ،الكيكة الاسفنجية بأسهل طريقة و ب ٣ بيضات بس
الكيكه الاسفنجيه وصفه من اساسيات الحلويات ،المفروض اى حد يعرف يعملها لو عايز يعمل جاتوه او تورتات ،ينفع ناكلها جمب الشاى والقهوة لكن فى الوصفه دى بتطلع عالية ومرتفعه ومحتفظه بشكلها عشان كده بنفضلها للجاتوه والتورتات ،واحسن حاجه فى الوصفه دى انها ب ٣ بيضات بس لان فيه وصفات تانيه بنفس المقادير لكن بيستخدمو فيها ٦ او ٨ بيضات لكن دى ب ٣ بس ..❤
المقادير :
التطبيق الاول:
- ٣ بياض بيض
- ٣ معلقه كبيرة سكر (٤٥ جرام )
- نص معلقه صغيرة عصير ليمون او خل
التطبيق الثاني :
- ٣ صفار بيض
- ٢ معلقه كبيرة ونص سكر (٣٥جرام )
- ٣ معلقه كبيرة ونص زيت (٥٠ جرام )
- كوب الا ربع دقيق (٩٠ جرام )
- ربع معلقه صغيرة ملح
- نص معلقه فانيليا او بشر برتقال او بشر ليمون
- ربع كوب حليب (٦٠ مل )
مقاس الصينيه ١٤ سم (حواف مرتفعه )
طريقة التحضير :
نحضر صنية الكيك ويفضل ان تكون من مادة الالمونيوم حتى تعطى تسوية جيدة للكيك ونقوم بوضع ورق الذبدة بها حتى لا تلتصق الكيكه بها وتكون اسهل عند استخراجها
التطبيق الاول نفصل الصفار عن البياض
نبدأ بالبياض بمضرب كهربائى يكون نضيف جدا نخفق البياض ويجب ان نضيف عليه اى سائل حمضى كعصير الليمون او الخل او اى حمض ونخفق مع اضافة السكر تدريجيا
ملحوظه :نتوقف عن خفق البياض عندنا يصبح قوامه ثقيل ومتماسك ولونه ابيض ولا يشكل خطوط عند سحب المضرب منه
التطبيق الثانى نحضر الصفار وفى طبق اخر نظيف ومضرب كهربي نظيف نضع الصفار مع السكر ونخفق جيدا حتى يصبح اللون افتح ونقوم بإضافة الزيت ثم الحليب تدريجيا اثناء الخفق
بعد خفق الصفار مع الزيت والحليب نضع الفانيليا والدقيق المخلوط معه رشة الملح ( وفى هذه المرحلة لا نستخدم المضرب يفضل ان نستخدم معلقه حتى لا تكون الكيك جافة ) ونخلط مع خليط الصفار الدقيق جيدا بمعلقه
الأن لدينا طبقان الاول به البياض والاخر به الصفار ،نقوم بإضافة معلقه من خليط البياض الى الصفار حتى يصبح قوام الصفار اخف ليسهل خلطه مع باقى البياض ولا يخرج الهواء منه ،وعندما يصبح قوام الصفار اخف بعد تقليب معلقه من خليط البياض معه نأخذ خليط الصفار كاملا ومن ثم وضعه على البياض كاملا والتقليب (التطبيق) ببطئ والتقليب من الاسفل للأعلى حتى لا يخرج هواء البياض (التقليب هدفه الاساسي هو ادخال الخليطان فى بعضهما وليس اخراج الهواء من الخليط )
ثم نضعه فى الصنيه السابق تحضيرها بورق الذبد ونقوم بخبط الصينيه فى مكان صلب لاخراج فقاعات الهواء من خليط الكيك
نضعها فى الفرن على درجة حرارة °١٤٠ لمده تتراوح من ٤٥ دقيقه الى ٥٠ دقيقه
بعد مرور ٤٠ دقيقه نقوم بأختبارها بعود خشبى رفيع من منتصفها اذا خرج بدون اى خليط سائل فهى نضجت ونطفئ الفرن ،واذا خرج بخليط عليه ننتظر ٥ دقائق ونختبرها مرة اخرة وبحذر
عند تمام نضجها نخرجها من الفرن ثم نخرجها من الحله ونضعها على شبكة لتبرد تماما قبل تقطيعها واستخدامها ..❤
