كيك الجزر اللذيذة

من أجمل الكيكات اللى بحبها وكل البيت عندى بيحبوها كيك الجزر كيك جميلة وفى تناغم بينها وبين التشيز كريم لو كلتها بكريمة عادية هتحسوا بحاجة مش مظبوطة 
انا عملت الفترة الأخيرة
كيك الموز 
وكيك التمر 
وطبعا الجزر
وكل نوع متناغم طعم كريمة يليق عليه او بيلبقله 😅😅 كيك الجزر زى ما قلنا التشيز كريم 
كيك التمر فى نوعين اما صوص الباترسكوتش او صوص الكراميل وأفضل الكراميل 
كيك الموز او بناناكيك يليق عليها جداصوص الكرامي   على فكرة طعم الفواكه مش ظاهر نهائى
اسرتى  كانوا متخوفين من البنانا كيك بس طلعت تحفة هنزل لكم طريقة كل وصفة فى بوستات قادم  مع الصورة 

اليوم موعدنا مع 

كيك الجزر Carrot cake

مقادير كيك الجزر بالكوب المعياري

2كوب دقيق 
1كوب سكر بودر 
ثلاثةارباع كوب زيت دوار الشمس 
4بيضات فانيلا 
ملعقة ونصف صغيرة بكنج بودر 
واحد ونص معلقة صغيرة بكنج صودا 
رشة ملح 
2ملعقة صغيرة قرفة ناعمة او اقل حسب الرغبة
اتنين كوب جزر مبشور حوالى نص كيلو جزر صحيح 
ثلاث ارباع كوب عين جمل مجروش يمكن الاستغناء عنه 
الكريمة: خمس قطع او أربعة جبنه مثلثات او لو فى كريمى تمام ملعقة عصير ليمون صغيرة كريم شانتية بودر نص كوب كريمة خفق 
الطريقة :يخلط الزيت مع السكر ويقلب بالمضرب اليدوى ثم يضاف البيض والفانيلا ويقلب جيدا  فى اناء اخر يخلط الدقيق مع القرفة والبكنج بودر والبكنج صودا ويقلب والملح يضاف الماء لخليط السوايل بالتبادل مع المواد الجافة مع التقليب ثم يوضع الجزر المبشور وعين الجمل (جوز) ان وجدت ويوضع فى صنينة مدهونة ومبطنة بالدقيق وتخبز فى فرن سبق تسخينه على 180درجة حتى تمام النضج وتختبر بغرس عود شيش وان خرج نظيف يبقى كدة استوت من نص ساعة إلى 45دقيقة حسب الفرن 
تخرج من الفرن وتجهز الكريمة نضرب الجبنة الكريمى او المثلثات مع السكر البودر وعصرة اللمون فى اناء اخر نضع كريمة الخفق مع الشانتية ونضرب جيدا ثم يتم اضافة خليط الجبنة عليها ممكن زيادة السكر حسب الرغبة ويمكن اضافة قليل من اللبن حتى يكون القوام مثل الصوص عندما تبرد الكيك تزيين بالصوص  وحبات  الجزر المصنوع من عجينة السكر 
والف هنا #EmoSweet