طريقة عمل التورتة الاقتصادية بـ 3 بيضات وصوص الشوكولاتة الموفر

طريقة عمل التورتة الاقتصادية بـ 3 بيضات وصوص الشوكولاتة الموفر

لو بتدوري على طريقة عمل تورتة اقتصادية وموفرة وشكلها شيك زي الجاهزة، الوصفة دي هتوفر معاكي جداً وهتعمليها بـ 3 بيضات بس ومكونات كلها من البيت، وطعمها أحلى من المحلات وتقدري تعمليها في عيد ميلاد ولادك بكل سهولة.

مقادير الكيك الاسفنجي الاقتصادي

- 2 كوب دقيق أبيض منخول
- 1 كوب حليب كامل الدسم
- 1 كوب سكر أبيض ناعم
- ربع كوب زيت نباتى
- 3 بيضات بدرجة حرارة الغرفة
- 2 باكو فانيليا
- باكو كيك شيف أو بيكنج بودر
- ٣معالقةكبيرة كاكاو خام غامق
- معلقة كبيرة خل أبيض

مقادير صوص الشوكولاتة الاقتصادي اللامع

- 1 كوب حليب
- 2 معلقة كبيرة كاكاو خام
- 2 معلقة كبيرة سكر
- 1 معلقة كبيرة نشا الذرة
- ربع كوب زيت نباتى
- رشة فانيليا صغيرة

طريقة التحضير خطوة بخطوة

تحضير الكيك:
في الخلاط الكهربائي هنضرب البيض والسكر والفانيليا لمدة 3 دقايق لحد ما الخليط يبقى فاتح وهش وكريمي، نضيف الحليب والزيت والخل ونضرب 30 ثانية فقط. في طبق كبير وعميق ننخل الدقيق مع الكاكاو والكيك شيف او البيكنج بودر مرتين، وننزل عليهم بالخليط السائل ونقلب من تحت لفوق بهدوء بمعلقة خشب عشان الهوا ميخرجش.

التسوية:
نجهز صينية مقاس 22 وندهنها زيت ورشة دقيق ونصب الخليط، وندخلها فرن سخن مسبقاً على درجة حرارة 180 درجة لمدة 30-35 دقيقة، ونختبرها بخلة أسنان.  نسيبها تبرد تماماً قبل التزيين وده مهم جداً.

تحضير صوص الشوكولاتة:
على البارد في حلة صغيرة نقلب الحليب والكاكاو والسكر والنشا كويس جداً لحد ما يدوب، بعدين نحطه على نار هادية مع التقليب المستمر لحد ما يتقل ويبقى صوص تقيل ولامع زي الجاهز، نطفي النار ونحط حتة الزبدة والفانيليا ونسيبه يبرد تماماً قبل الاستخدام.لوحسيتى انه قلقع منك اضربيه فى الخلاط هيبقى كريمى وشكله جميل  

 

أسرار نجاح التورتة الاقتصادية

سر هشاشة الكيك هو معلقة الخل الأبيض مع البيكنج بودر، بتخليه عالي وهش زي الاسفنجة بالظبط. لازم كل المكونات تكون بدرجة حرارة الغرفة، والدقيق يتنخل مرتين عشان يدخل هوا ويبقى خفيف. متفتحيش الفرن قبل 25 دقيقة أبداً عشان متهبطش منك الابعد25دقيقةاوتشمى ريحة قوية ليها. لوعايزاها أعلى ومرتفعة، استخدمي صينية مقاس 20 بدل 22. ممكن كمان تضيفي رشة قهوة سريعة الذوبان للصوص بتخلي طعم الشوكولاتة ولو حابة تضيفي معلقة كريم شانتيه بتخلى الطعم فى حته تانيه خالص.

 

طريقة الحفظ والتخزين

ممكن تحفظي التورتة في التلاجة لمدة 3 أيام متغطية كويس بعلبة محكمة،عشان المية متوصلش الكيك ومتبظش منك  ولو بالصوص هتفضل طرية وجميلة. ممكن كمان تحفظي الكيك لوحده من غير تزيين في الفريزر لمدة شهر كامل، وطلعيه قبل التقديم بساعتين وزينيه بالصوص الطازة.

جربي الوصفة الاقتصادية الموفرة دي هتوفر معاكي جداً وهتفرحي ولادك من غير تكاليف عالية