كفته الحاتي مع الرز السمتي وسلطه الحاتي وسلطه الطحينه

السلام عليكم ورحمة الله وبركاته 

ازيكم حبايبي عاملين اي يارب تكونوا بخير وصحه وسعاده 

هنعمل النهارده غدا سهل وسريع هنعمل كفته الحاتي مع الرز البسمتي الاصفر وسلطه الطحينه وسلطه الحاتي اللذيذة 

مكونات الكفته 

1. كيلو لحم مفروم 
2. ربع كيلو دهون ضاني 
3. بصله كبيره مبشوره ومصفاه 
4. واحده بيضه 
5. معلقه صغيره نشا ه
6. ملح وفلفل اسود حسب الرغبه 
7. بقدونس او خضرا 
8. واحده طماطم صغيره مبشوره 

• الطريقه بإختصار :
• نحط كيلو اللحمه المفروم ناعم والنشا ودهون الضاني والبيضه وملح وفلفل اسود  والبصله المبشوره المصفاه في الكبه ونخلط جيدا واذا لم تتوافر الكبه من الممكن ان نخلط بالايد جيدا ثم نضع البقدونس او الخضرا ونخلط مره ثانيه حتي تمام تجانس الخليط جيدا  تترك لمده ساعه ثم يتم تصبيعها علي الاصياغ او علي عصا الشيش عن طريق بل الايدي من مياه  البصل والطماطم مع معلقه زيت  ثم نصبع وبعد الإنتهاء من تصبيع الكفته نضعها علي الشوايه بالفحم ونقلب الاسياخ كل نص دقيقه حتي تغير لون اللحم  او الكفته وبذلك تكون استوت  او توضع في صنيه ثم تدخل الفرن ساخن مسبقا علي درجه حراره 220 لمده عشر دقايق علي الرف الاسفل ثم نضعها علي الرف الاوسط عشر دقايق اخري  وبعد ذلك تكون استوت  
• طريقه عمل الرز البسمتي الاصفر 
• المكونات

1. اتنين كوب من الرز البسمتي 
2. اربع اكواب من الشوربه او الماء الساخن 
3. معلقه كبيره من الكركم
4. نصف معلقه صغيره من الفلفل الاسود
5. ورق لورا او ورق غار  وحبهان ونصف عود قرفه وقرنفل 

• الطريقه بإختصار 
• نضع معلقتين من السمن او الزيت ثم نضع  ورق الورا والقرنفل والخبهان ونقلبهم لمده دقيقه  ثم نضع الرز البسمتي المغسول والمنقوع لمده ربع ساعه  ونقلبهم مع بعض جيدا لمده دقيقتين ثم نضع الماء المغلي او المرقه وتترك حتي الغليان علي نار عاليه ثم بعد الغليان نهدي النار الي نار هادئه ويترك لمده ربع ساعه حتي تمام التسويه  
• طريقه عمل سلطه الحاتي 
• المكونات 

1.  اتنين من الطماطم الكبيره 
2. واحده خيار كبيره 
3. واحد فلفل اخضر متوسط 
4. نص بصله صغيره 
5. بقدونس 
6. ملح وفلفل اسود وكزبره جافة 
7. نص معلقه صغيره سماق 
8. معلقه صغيره خل أبيض 

• الطريقه بإختصار 
• يقطع جميع المكونات الي شرائح  رفيعه وتخلط مع بعض ثم يضاف عليها الملك والفلفل والكزبره الجافه والخل والسماق
• يفضل عدم وضع التوابل علي السلطه  الاقبل التقديم مباشره 
• طريقه عمل سلطه الطحينه 
• المكونات

1. ثلاث معالق كبيره طحينه 
2. معلقه صغيره ملح 
3. نص معلقه صغيره كمون ناعم 
4. معلقه كبيره خل 
5. عصير ليمونه 

• الطريقه 
• نضع الطحينه مع الخل والملح واليمون والكمون ثم نخلط جيدا ثم نضع كميه من الماء ونخلط جيدا  ونكرر وضع الماء حتي الحصول علي قوام متجانس سائل الي حد ما. وبس مدا دي كانت وجبه الغدا النهارده 
• وبالهنا والشفا