افكار مختلفه لتقديم خضار الكوسه للاولاد
السلام عليكم ورحمة الله وبركاته ازيكم حبايبي عاملين اي يارب تكونوا بخير وصحه وسعاده
كلنا عارفين ان الكوسه كتير من ولادنا مش بيحبها ولكنها خضار مهم جدا لما تحتويه من عناصر مهمه للجسم
عشلن كدا هنعمل النهارده الكوسة فى أكثر من وصفة 👏👏👏👏
أصابع الكوسة المقلية :
٢كيلو كوسة أصابع
4 بيض
كوب دقيق
2 ملعقة صغيرة كمون
2 ملعقة صغيرة كزبرة جافة
2 ملعقة صغيرة بابريكا
1 ملعقة صغيرة ثوم بودر
1 ملعقة صغيرة بصل بودر
نصف ملعقة صغيرة حبهان مطحون
رشة جوزة الطيب
ملح
فلفل أسود
2 كوب بقسماط
2 كوب دقيق ذرة أصفر
زيت غزير للقلي
طريقة التحضير:
فى بولة كبيرة نضع البيض ودقيق ذرة اصفر والتوابل ونضربه بمضرب سلك وفي بوله اخري نخلط الدقيق والبقسماط مع بعض ونخرج الكوسة من خلطة البيض ونضعها في خليط البقسماط والدقيق ونقليها في زيت سخن وغزير ويقدم مع عيش و طرشى و سلطة زبادى بهريسة الشطة و سلطة طحينةو بالهنا و الشفا
كوسة بالبشاميل :
كيلو ونصف كوسة قوارب
الحشوة:
ربع كيلو لحمة مفرومة
قلب الكوسة
ربع كيلو بصل مفروم
نصف كوب بقدونس مفروم
ملعقة صغيرة ثوم مفروم
كوب صلصة طماطم
ملح
فلفل اسود
زيت نباتي
البشاميل:
لتر حليب
٤ملعقة كبيرة دقيق
٤ملعقة كبيرة زبدة
رشة جوزة الطيب
ملح
فلفل اسود
طريقة التحضير:-
لعمل البشاميل:
فى حلة على النار نضع الزبدة والدقيق ويقلب ثم نضيف الحليب تدريجيا مع التقليب حتى يصبح القوام كريمي ثم نضيف رشة جوزة الطيب وملح وفلفل اسود ويرفع من النار.
لعمل الحشوة:
فى ووك على النار نضع الزيت والبصل يشوح مع رشة ملح وفلفل اسود ثم نضيف اللحمة وتقلب ونضيف الثوم المفروم ويقلب سريعا ويضاف قلب الكوسة ويقلب مع الحشوة ثم تضاف صلصلة الطماطم وتقلب مع اللحمة وتترك على النار حتى تغلي وترفع.
فى طبق بيركس ترص قوارب الكوسة وتوضع الحشوة وتغطى بالبشاميل وتوضع في فرن ساخن حتى السوا.
كوسة بصوص روزيه :
كيلو كوسة مكعبات
باربريكا
ملح
زيت زيتون
الصوص:
٢كوب بديل كريمة الطهي
٢ملعقة كبيرة صلصة
ملعقة كبيرة ثوم مفروم
نصف كوب بقدونس مفروم
ربع كوب ريحان مفروم
ملح
شطة مجروشة
طريقة التحضير:-
فى صاح فرن نضع الكوسة ونضيف البابريكا وملح وزيت زيتون وتقلب وتفرد في الصاج وتوضع فى فرن ساخن حتى تشوى وتأخذ لون وترفع
لعمل الصوص:
فى ووك على النار نضع حليب بديل كريمة الطهي مع الصلصة و البقدونس والريحان والثوم المفروم وتقلب ويضاف ملح وشطة مجروشة وتقلب حتى يغلي الصوص وتضاف الكوسة وتقلب مع الصوص حتى تمتزج مع الصوص وترفع وتقدم مع الارز وبالهنا والشفا.
جراتان الكوسة :
كيلو كوسة شرئح
٢بصل حلقات
ملعقة صغيرة ثوم مفروم
نصف كوب بقدونس مفروم
لتر بديل كريمة الطهي
ملح
فلفل اسود
زبدة
للوجه:
٢كوب جبنة موتزاريلا
طريقة التحضير:-
فى ووك على النار نضع الزبدة ويضاف البصل يشوح حتى يأخذ لون ذهبي ثم يضاف الثوم المفروم ويقلب مع رشة ملح وفلفل اسود ثم تضاف الكوسة تشوح مع البصل ويضاف البقدونس ويقلب.
يضاف بديل كريمة الطهي ويترك يغلي مع الكوسة.
يوضع الخليط في طبق بيركس وتضاف الجبنة على الوجه وتوضع في فرن ساخن حتى السوا ويرفع ويقدم بالهنا والشفا.
