اسهل طريقة لعمل شوربة المشروم كريمي ولذيذه وعلى طريقه أشهر المطاعم

اسهل طريقة لعمل شوربة المشروم كريمي ولذيذه وعلى طريقه أشهر المطاعم

0 reviews

معروف ان المشروم غني بالفيتامينات والمعادن و هو بديل صحي ونباتي ومصدر جيد للبروتين والألياف الغذائية، وكمان بيحتوي على مضادات الأكسدة اللي بتساعد على محاربة الجذور الحرة اللي بتسبب تلف الخلايا والسرطان اعاذنا الله واياكم

وصفة شوربة المشروم بالكريمة فكرة عشاء مثالية سهله  التحضير ومذاق رائع وممكن تقديم الطبق كمقبلات أو وجبة خفيفة حسب تفضيلاتك، قوامها وطعمها مشابهان جدًا لمطاعم شهيرة 

وبيتعمل النوع المشهور من شوربة المشروم بالكريمة لأن الكريمة بتضيف نكهة وسمك للشوربه وبتساعد الكريمه برضو في تكوين قوام غني ودسم تقدر تستمتع بيها لوحدها من غير متاكل اي حاجه جمبها 

وطبعا ممكن نستغنى عن الكريمه ونعملها بالبديل الموجود في كل بيت

 

الشوربه كريمي ولذيذه وممكن تتعمل في دقائق ومثاليه ليوم شتوي ساقع ويلا نبدا كده وبسم الله اول حاجه المقادير البسيطه والسهله بتاعتها وهي:

 

المقادير

- 3 ملعقة طعام زيت زيتون

- 1 ملعقة كبيرة زبدة

- 1 بصلة وسط

- 3 فص ثوم مفروم

- 400 جرام من المشروم (مقطع) 

- 2 كوب ماء (أو ما يكفي لتغطية المشروم)

- 2 مرق دجاج (او شوربه لحمه او دجاج)

-  ملعقة صغيرة ملح (أو حسب الرغبة)

- نص ملعقة صغيرة فلفل أسود (أو حسب الرغبة)

-  ملعقة صغيرة زعتر

-  خضره  (بقدونس او كسبره متقطعه) حسب الرغبة 

 - كوب كريمة ثقيلة (اختياري لحساء كريمي) 

   او بديل كريمة الطبخ : 

- 2 ملاعق كبيرة من الدقيق لجميع الأغراض

- كوب حليب (نسبة الدسم حسب الرغبه)

 

وبعد كده بقي نتوكل على الله ونبدأ طريقه التحضير وهي كالاتي:

 

طريقة التحضير

قبل كل شئ  لازم نقطع البصل مكعبات صغيره ونكون مجهزين حله ونذوب فيها الزبدة ومعاها زيت الزيتون على نار متوسطة ونضيف البصل ويدوب يدبل شويه وتظهر ريحته ونضيف الثوم ونقلبه لمدة 3 دقائق لحد اما نحس انه دبل ونضيف المشروم المتقطع شرايح ونقلب لمدة 5 دقائق إضافية لحد اما نحس ان المشروم شرب الميه بتاعته كلها 

، والخطوه الجايه ممكن نخلي فيها الشوربه كريميه وسميكه بطريقتين اولا: نضيف ملعقتين من الدقيق ونقلبهم لمدة 3 دقائق مع المشروم لحد اما نحس ان الدقيق استوى وريحته ظهرت، ودي بتخلى الطعم غني اكتر وبديل رخيص وسهل للكريمه الجاهزه، او نلغي الخطوه دي ونعمل ثانيا:باننا نضيف كريمة الطبخ الجاهزه سواء كاملة الدسم او قليلة الدسم حسب الرغبه

، بعد كده هنضيف كمية الماء اللي تكفي لتغطية المشروم وتكون سخنه وندوب فيها مرق الدجاج ونضيف الملح والفلفل والزعتر حسب الرغبه ،وممكن نخلي الشوربه نباتيه عن طريق استبدال مرق الدجاج بمرق الخضار ، ولو مش عندك مرقه تقدر تضيف بدالها شوربة لحمه او دجاج كبديل بس سعتها هنستغنى عن الماء عشان متكنش الشوربه خفيفه، ونغطى الحله بالغطا ونسيبها تغلى على نار عالية، وبعد كده نقلل الحرارة لدرجة منخفضة لمدة 10 دقيقة أو حتى ينضج المشروم ونضيف الكريمة سواء الجاهزه او بديل الكريمه (ملعقتين من الدقيق)

، وبعد كده هناخد كميه من المشروم ونفرمها في الخلاط عشان تعطي الشوربه القوام التقيل الشهير وبعد كده نضيفه على باقي الكميه في الحله تاني

ملحوظه : لو كنت اخترت الطريقة الاولى وهي اضافه ملعقتين من الدقيق يبقى هنضيف كوب من اللبن.

، واخر حاجه نضيف الخضره (بقدونس او كسبره ) حسب الرغبة ونخليه يغلي على النار وبس كده يكون جاهز ويتم التقديم زي مهو او نضيف عصير ليمون 

(وبالهناء والشفاء مقدما ).

 

   قد يهمك ايضا: طريقة تحضير السلطه الوردية الصحية للدايت

   قد يهمك ايضا: اسهل طريقة لعمل فاهيتا المشروم والخضراوات للدايت

ومتنسوش تقولوا لصحابكم  واحبابك علي شوربة المشروم الكريمي الذيذه وطعمها الخطير عشان يعملوها ويستمتعوا بيها 

ولو عجبكم المقال متنسوش تتابعوني وتكتبولي كومنت حلو زيكم، وتشوفوا باقي الوصفات

(والسلام خير ختام)

 

التعليقات ( 0 )
الرجاء تسجيل الدخول لتتمكن من التعليق
مقال بواسطة

المقالات

4

متابعين

7

متابعهم

13

مقالات مشابة