طريقة عمل الكبده الاسكندراني زي عربيات الشارع

مين مننا مابيحبش ريحة الطشه بتاعة عربيات الكبده في كل شواع مصر . ريحه تسحر أي حد تخليك تاكل بالعافيه . الطشه دي بتاعة الكبده الاسكندراني معانا هنا هانخليكم تعملوها في البيت ونفكلكم طلاسمها بكل سهوله وهانضمن اننا نعملها بمكونات مضمونه في البيت وناكل لحد مانشبع. بس آمانه عليكم لو عجبتكم المقاله ياريت تشيروها لكل اللي تعرفوهم. يلا بينا 

(المكونات)

-نص كيلو كبده شرائح مجمده من مكان موثوق فيه.

-ربع كيلو فلفل رومي .

-قرن فلفل شطه أخضر.

-راس ثوم.

• -ملح حسب الرغبه.
• - ملعقتين كمون مطحون.
• - ملعقتين كزبره ناشفه مطحونه.
• -ملعقه كبيره كاري.
• -زيت نباتي.
• - ليمونتين فريش.
• - ربع كوب خل أبيض.
• -ملعقه كبيره طحينه.
• -عيش فينو(صامولي او صامون).
• -بقدونس وجرجير .

• (طريقة التحضير الأوليه)
• نقطع الثوم قطع صغيره جدا ونضعه في طبق ونعصر عليه اليمون ونضيف اليهم (ملعقة كمون كبيره وملعقة كزبره كبيره) ونسيبهم على جنب يتبلو نصف ساعه.
•  
  • ثم نأتي بالكبده الشرايح المجمده ونقطعها بسمك أكبر من عود الكبريت ونضعها في وعاء ونضع عليه (ملعقة الطحينه)وده هايمنع ريحة الزفاره .
• ثم نقطع الفلفل الرومي والشطه ونجهزهم على جنب.

(طريقة تسوية الكبده الاسكندراني)

-نأتي بصينيه وسط المونيوم ونضعها على نار عاليه ونصع فيها نصف كوب زيت نباتي وننتظر إلى أن يسخن الزيت جيدا.

ثم نأتي بنصف كمية الثوم المتبل ونضعه في الزيت ثم مباشرة نضع نصف كمية الكبده على الثوم ونقلبهم  جيدا لمدة (5دقايق).

ثم نضع عليهم ملعقتين خل أبيض (شامين الريحه🤣😋😋😋).

ثم نضع نصف كمية الفلفل ونضع عليهم البهارات (ملعقه صغيره كزبه،ملعقه صغيره كمون ،نصف ملعقه كاري ، وملح حسب الرغبه).

ونقلبهم لمدة دقيقتين ونرفعهم من على النار (اجمالي مدة الطهي 7 دقائق).

ثم نأتي بالعيش الفينو أوالصامولي أو الصامون ونضع فيه قليل من البقدونس والجرجير ونضع عليهم الكبده وعليهم قليل من سلطة الطحينه  وعليهم عصرة ليمونه 😋😋

 (وبالهناء والشفاء)

(تنويه )

-نحذركم من غسيل الكبده لمنع الزفاره بالماء لان هذه الطريقه فيها خطوره صحيه عليكم.

-عصر الليمون على الكبده بعد تسويتها يعزز فائدة الحديد في الكبده .ودي طريقة الاسكندرانيه في أكل الكبده.

-سلطة الطحينه هي الاساس في اكل الكبده ولكن هناك أذواق لدى البعض بوضع الكاتشب عليها وهذا يجعل لها طعم جيد أيضا.

-الكبده الاسكندراني هي كبده مقليه في الزيت نوعا ما وليست مشوحه ولذلك وضعنا كمية الزيت هذه (وهذه من أسرار عربيات الكبده).

-عن استخدام الكبده الطازجه لابد من ازالة الغشاء أعلى الكبده لان هذا الغشاء سوف يعيق من تسويتها.

• -لابد من تجميد الكبده قبل تقطيعها لأن التجميد يسهل من تقطيع الكبده.
• -من الخطر أكل الكبده لمن يعانون بإرتفاع نسبة الحديد لديهم .
• -وأيضا من الخطر أكل الكبده لمن يعانون من الامساك لأن الحديد اللي في الكبده يزيد من الامساك.
• -لابد من شراء الكبده سواء الطازجه أو المجمده من مكان موثوق به لأن الكبده إذا لم تحفظ جيدا فهي معرضه بأن تفسد بطريقه سريعه.
• -الكبده مصدر جيد للحديد للجسم.

• (وأخيرا)
• لو أردتم متابعيني الكرم أن أصنع لكم سلكة الطحينه زي بتاعة عربيات الكبده ياريت تكتبولي كده في التعليقات ده شئ يفرحني جدا لثقتكم الغاليه .

وان شاء الله المقالات القادمه هاتكون مفاجأه ليكم جميعا .

• - وممكن تتابعوا مقالاتي السابقه الخاصه (طريقة عمل الثوميه، طربقة عمل صوص الجبنه الشيدر،طريقة عمل الكنتاكي).
• وان شاء الله هانعمل الفتره الجايه مقالات عن الاكلات الخليجيه والهنديه والايطاليه. بكل أسرارها وأحسن من المطاعم.

(والسلام خير ختام🌷)