اطعم وصفات حلويات مميزة بثلاث وصفات مجرّبة لإسعاد عائلتك

اطعم وصفات حلويات مميزة بثلاث وصفات مجرّبة لإسعاد عائلتك

الطريقه الاولى أصابع الباونتي 🤎 

الطريقه الثانيه كريب حلو بالشوكولاتة 🤎

 الطريقه الثالثه براونيز فاخر بالشوكولاتة 🤎

 الطريقه الاولى أصابع الباونتي 🤎

المقادير:

 • 3 أكواب جوز هند مبشور

 • 3/4 كوب كريمة خفق (180 مل)

 • 250 جرام قشطة

 • 1/3 كوب سكر

 • 1/2 كوب زيت جوز هند

 • شوكولاتة داكنة مذابة (للتغطية)

الطريقة:

 1. في قدر على نار متوسطة، ضعي كريمة الخفق مع السكر وقلبي حتى تذوب المكونات وتبدأ في الغليان.

 2. اتركي الخليط على النار حتى يتكثف قليلًا، ثم ارفعيه عن النار.

 3. أضيفي جوز الهند المبشور، القشطة، وزيت جوز الهند، وقلبي حتى تمتزج المكونات تمامًا.

 4. شكّلي الخليط على شكل أصابع أو كرات، ثم ضعيها في الثلاجة حتى تتماسك جيدًا.

 5. بعد أن تبرد، غطسي كل قطعة في الشوكولاتة المذابة، ثم ضعيها على ورق زبدة وأعيديها للثلاجة حتى تتماسك.

وبالهنا والشفا ❤️

الطريقه الثانيه 🫰 👇 

كريب حلو بالشوكولاتة 🤎

المقادير:

• 1 كوب دقيق

• 1 كوب حليب

• 1 بيضة

• 1 معلقة كبيرة زيت

• 1 معلقة صغيرة فانيليا

• رشة ملح

• شوكولاتة سبريد للحشو والتزيين

⸻

طريقة التحضير:

• في بولة، اخلطي البيضة مع الفانيليا والملح.

• ضيفي الحليب والزيت وقلّبي كويس.

• ضيفي الدقيق بالتدريج وقلّبي بالمضرب اليدوي لحد ما القوام يبقى ناعم وسايب شوية.

• سخّني طاسة تيفال، وادهنيها مسحة زيت خفيفة.

• صبّي مقدار مغرفة صغيرة من الخليط، وافرديها كويس على شكل دايرة.

• لما يستوي من تحت، اقلبي الكريب على الوش التاني وسويّه ثواني.

• كرّري لحد ما تخلصي الكمية.

• احشي كل واحدة كريب بشوكولاتة سبريد، ولفّيها رول.

• رتّبيهم في طبق، ووزّعي فوقهم خطوط شوكولاتة سبريد سايحة للتزيين.

⸻

بالهنا والشفا ♥️

الطريقه الثالثه 👇 🫰 

براونيز فاخر بالشوكولاتة 🤎

المقادير:

• 200 جرام شوكولاتة خام مقطعة

• 100 جرام زبدة (حوالي 1/2 كوب)

• 25 مل زيت (حوالي 1.5 معلقة كبيرة)

• 150 جرام سكر (حوالي كوب إلا ربع)

• 1 معلقة كبيرة عسل أسود

• 3 بيضات

• 1/2 معلقة صغيرة فانيليا

• 1/2 معلقة صغيرة ملح

• 1/4 كوب كاكاو خام (حوالي 40 جرام)

• كوب إلا ربع دقيق (حوالي 90 جرام)

• 1/4 معلقة صغيرة بيكنج بودر (اختياري)

طريقة التحضير:

• سيّحي الشوكولاتة مع الزبدة والزيت على حمام مائي أو في الميكروويف وسيبيها تهدى شوية.

• في بولة تانية، اضربي البيض مع السكر والعسل والفانيليا بالمضرب لحد ما يبقى قوامه ناعم وفاتح.

• ضيفي خليط الشوكولاتة على البيض وقلّبي بالمضرب اليدوي بسرعة.

• نخلّي الدقيق مع الكاكاو والبيكنج بودر والملح، ونضيفهم على الخليط ونقلب بالسباتولا أو معلقة خشب.

• صبي الخليط في قالب مبطن بورق زبدة، وساوي السطح.

• دخّلي القالب فرن سخن على 180 درجة (الرف الوسط) لمدة 20 دقيقة، ولو لسه طرية من النص سيبيها 5 دقايق كمان.

• طلعيها من الفرن وسيبيها تبرد تمامًا قبل التقطيع علشان تاخدي الشكل اللي في الصورة بالضبط.

• ممكن تضيفي مكسرات أو شوكولاتة شيبس جوه الخليط حسب الرغبة.

بالهنا والشفا ♥️