✨ملف المصنعات البيتي للمدارس❤️ وصفات أوفر وأنضف من الجاهز ✨

ثلاث وصفات البيتي للمدارس❤️
وصفات أوفر وأنضف من الجاهز ✨

الطريقه الاولى 👇 🫰 😍 

🍫 نوتيلا صحية في البيت

المكونات:
• كوب فول سوداني محمص ومقشّر
• ¼ كوب كاكاو خام
• 3 معالق كبار زيت
• 4 معالق سكر بودرة (أو عسل/استيفيا لو عايزة أخف)
• رشة ملح + فانيليا

الطريقة:
1. اطحني الفول السوداني في الكبة لحد ما يبقى زي الزبدة.
2. ضيفي الزيت واضربي تاني لحد ما الخليط يطرى.
3. نزّلي الكاكاو والسكر والفانيليا ورشة الملح واضربي لحد ما يبقى قوام كريمي ناعم.
4. احفظيه في برطمان محكم في التلاجة.

💡 ينفع للساندوتشات أو على الفاكهة 👌

الطريقه الثانيه 🫰 😍 🔥 

� جبنة مثلثات بيتي اقتصادية ولذيذة

المقادير:

• 2 كوب حليب
• 3 معالق كبار دقيق
• 3 معالق كبار زيت
• 3 مثلثات جبنة (للنكهة والقوام)
• رشة ملح
• رشة فلفل أبيض
• معلقة صغيرة خل
• معلقة قشطة أو زبدة

الطريقة:

1️⃣ في الخلاط حطي الحليب مع الدقيق والزيت واضربيهم لحد ما يبقى الخليط ناعم.
2️⃣ صبّي الخليط في حلة وحطيه على نار هادية مع تقليب مستمر.
3️⃣ أول ما يبدأ يتقل، نزلي الجبنة المثلثات + الملح + الفلفل + القشطة + الخل.
4️⃣ قلّبي بسرعة لحد ما يبقى القوام كريمي متماسك شوية.
5️⃣ صبّي الخليط في قوالب أو علب مدهونة زيت (ممكن تعملي نفس شكل المثلثات).
6️⃣ دخليها التلاجة 6 ساعات على الأقل، وبعدها طلعيها وقطّعيها مثلثات وغلفيها.

الطريقه الثالثه 👇 😍 😍 🔥 

� لانشون فراخ أو لحمة بيتي من غير جيلاتين

المكونات:

 • ¼ كيلو فراخ مفرومة (أو لحمة مفرومة)

 • 3 بيضات

 • ½ كوب دقيق + معلقة كبيرة نشا

 • ½ كوب زيت

 • 2 مثلث جبنة

 • 1 مكعب مرقة

 • معلقة صغيرة: ملح – بصل بودرة – ثوم بودرة

 • ½ معلقة صغيرة: بابريكا – فلفل أسود – زنجبيل بودرة

 • معلقة صغيرة ثوم مفروم

الطريقة:

1️⃣ في الخلاط ضربي البيض مع المرقة والبهارات كويس.

2️⃣ نزلي عليهم الفراخ المفرومة واضربي تاني لحد ما الخليط يندمج.

3️⃣ زوّدي الدقيق والنشا واضربي تاني.

4️⃣ في الآخر دخّلي الزيت تدريجي على خيط رفيع لحد ما الخليط يبقى ناعم ومتماسك.

5️⃣ افردي استرتش على سطح نظيف، وصبي الخليط ولفيه رول محكم. لفيه مرة كمان باسترتش ومرة بورق فويل.

6️⃣ في حلة حطي مياه مغلية ومعاها ورق لورا وحبهان وملح، ونزلي فيها رول اللانشون.

7️⃣ سيبيه ساعة وربع تقريبًا مع إضافة مياه لو قلّت.

8️⃣ بعد ما يستوي، طلّعيه يبرد شوية، شيلي الفويل والاسترتش، وحطيه في التلاجة ساعتين قبل التقطيع.

💡 هتلاقيه متماسك وناعم زي الجاهز، وطعمه أحلى وأضمن لأولادك في المدرسة

وبالهنا والشفا ❤️ 🙏