في هذا المقال سوف نتحدث عن طريقه عمل العصائر المثلجه والجيلي
, النهارده هنتكلم عن عصير الفواكه طبعا علشان احنا كلنا عارفين ان احنا في الصيف نبقى تعبانين وحرانين ومحتاجين اي حاجه تغذينا وطبعا مع العرق المستمر ومع الاجهاد الحراري للانسان بيبقى محتاج حاجه تغذيه ويبقى فيها فيتامينات كثير فاحنا هنتكلم النهارده عن عصير جميل جدا وكله متوفر في البيت وبحاجات بسيطه وهو عصير الفواكه هنجيب شويه الفواكه بتاعتنا وهنحطها في الخلاط وهنحط بالسكر هنحط بالعسل على حسب كل واحد ومزاجه ونحط فيها ثلج وهيبقى احلى عصير في الدنيا هنتكلم دلوقتي عن المكونات الرئيسيه للعصير, وهي ، هنجيب نص كيلو مانجا ونص كيلو برتقال ونمسك المانجا نقطعها حته صغيره كده ونحطها في الخلاط ونعمل عصير المانجا لوحده ونصفيه ونجهزه ونمسك نص كيلو البرتقال نعصره عصره جميله كده نحط عصير المانجا على عصير البرتقال ونحط السكر في الخلاط ونديهم ضربتين ونكون مجهزين الكوبايه بتاعتنا بالثلج على البرتقال. والمانجو
، في عصير تاني بقى ممكن نعمله ان احنا نجيب عصير المانجا ده ونحط عليه عصير خوخ مثلا نجيب الخوخ ونغسله كويس وبعد بعد كده نجيب المانجا ونحط عصير الخوخ على عصير المانجا ومنفس الطريقه نحط السكر بتاعنا في الخلاط ونحطها في الكوبايه ونشرب الهنا والشفاء ممكن عصير ثالث ان احنا نعمل عصير كوكتيل بمعنى ان احنا نعمل عصير مانجا ونجيب الفواكه اللي احنا بنحبها نقطع خوخ نقطع كنتالوب نقطع برقوق ونحطهم كلهم في طبق وننزل عليهم بعصير المانجا ونحطهم في الثلاجه ويسقعوا كده ونشرب بالهنا والشفا ممكن في طريقه رابعه ان احنا نجيب الجيلي وبعد ما نجيب الجيلي نعمله ونسقعه في التلاجه وقبل ما نسقعه في الثلاجه نحط علي الجيلي وهو سخن قطع موزوهيبقى جيلي بالموز اي اختراع من اي فاكهه ممكن نحط عليه الجيلي هيبقى طعمه جميل جدا وساقع كمان❤️
ممكن كمان نعمل كريم كراميل هنجيب كيلو اللبن ونغليه على النار وقبل ما يغلي يعني يا دوبك يسخن كده نحط كيسين من الكريم كراميل ونقلب كويس وبعد كده نحطه في الاطباق و نستنى يبرد
ونضيف الكراميل علي الوش كده، دي مجموعه افكار ممكن نعملها سواء كان الجيلي او الكريم كراميل او عصير الفواكه اللي هنشربه اي حاجه فيها فواكه تفيد الاطفال وتفيد الكبار كمان وبالهناء والشفاء
