أرز أسباني مبهر بالدجاج

لو عايزين أكله جديده وسهلة ومناسبة للعزومات خصوصا في رمضان ومش هتوسخوا فيها أكتر من طاسة وحدة بس فالأكلة دي هي إللي أنتوا بتدوروا عليها وجبة متكاملة ومشبعة و لذيذه جدًا
 

" أرز أسباني مبهر بالدجاج ع الطريقه الاسبانيه" 
 

" المكونات "
1- نص كيلو صدور فراخ 
2- بصله متوسطه وواحد فلفل أحمر 
3 - كوب أرز 
" الطريقه "
استخدمت فيها 1/2 كيلو صدور فراخ مخلية ممكن تستخدموا أوراك أو حتى فراخ متقطعة بعظمها لو حابين أنا قطعت الفراخ مكعبات بالشكل ده بعدين تبلتها بمعلقة صغيرة وملح وفلفل أسود وبابريكا مدخنة ونص لمونة قلبت الفراخ في التتبيلة كويس وسبتها تتبل 1/2 ساعة مع الفراخ كل ما زودنا الوقت كانت الفراخ أحلي وتشرب من التتبيله أكتر
هحتاج واحده فلفل أحمر كبيرة متقطعة مكعبات كده
وبصلة متوسطة متقطعة حتت صغيرة لما الفراخ اتبلت سخنت زيت زيتون على نار متوسطة واستخدموا طاسة أطرافها عالية أو حلة وحطيت فيها الفراخ وقلبتها 5 دقايق مش لازم تستوي بالكامل لإن لسه هنساويها مع الرز بعدين المهم تستوي من بره بس بس لو الفراخ كانت بعظمها يبقى لازم تستوي بالكامل وبعدين شيلت الفراخ من الطاسة وحطيت مكانها الفلفل والبصل اللي قطعتهم وكل خطوة هعملها في الخطوات الجاية دي حعملها وأنا بقلب فخلوا كل المكونات جاهزة وقريبة منكم في الخطوة دي قلبت البصل والفلفل 3 دقايق لحد ما دبلو شوية، بعدين هرست عليهم فص توم وقلبت أقل من دقيقة وحطيت عليها معلقة كبيرة معجون طماطم وقلبتها كمان لحد ما غطى المكونات ولونه غمق شوية الأسبان مش بيهتموا بفلفلت الرز قوي بس أنا بحب مفلفل فحطيت معلقة كبيرة سمنة بلدي بعد كده حطيت كوباية رز بسمتي مغسولة ومتصفية كويس ممكن على فكرة تستخدموا رز مصري بس كمية المية حتختلف تقليب  الرز وتغطيتوا بالسمنة كويس هو اللي حيخليه يفلفل ومتقلقوش من حتت الدهون اللي هتلاقوها  المحروقة في الحلة دي من تسويه الفراخ المية اللي هتساوي الرز حتشيلها رجعت في الطاسة تاني الفراخ اللي سوتها من شوية وقرنين فلفل حراقين ده اختياري
ونسبهم ع النار لحد ما الرز يستوي كويس  وبعدين نحطهم في صنيه تقديم ونحط عليهم كزبره خضره وشرائح من الزيتون المخلل هيعلي الطعم معانا اوي ونعصر عليهم ليمون وده أختياري
وبالف هنا وشفا وكده نكون عملنا طبق رئيسي وفي نفس الوقت أقتصادي جدااا