طريقة تحضير السلطه الوردية الصحية للدايت
وصفة صحية ولذيذة تحتوي علي الألياف والفيتامينات وعناصر غذائية مفيدة للجسم و مناسبه جدا للدايت وللعشا و تعتبر وجبه متكامله سهله التحضير ومذاقها رائع ويلا نبدأ بسم الله اول حاجه المقادير البسيطه والسهله بتاعتها وهي:
المقادير
اولا: مقادير الصوص الوردي
- نص كوباية صوص الرانش جاهز او(بديل):
نص كوباية مايونيز وربع كوبايه ساور كريم أو زبادي
والتوابل: نصف ملعقة صغيرة من: بقدونس مجفف وشبت مجفف وبودرة بصل وبودرة توم وملح وفلفل أسود
و لبن بسيط إلى ان نصل للقوام المظبوط
- 3 معالق كبيرة زيت زيتون
- عصير لمونه
- 1 بنجر متوسطة مسلوقه ومتقطعه
- 1 فص توم
- ملح
- فلفل اسود
ثانيا: السلطة
- 2 صدور فراخ مسلوقه أو بطاطس مسلوقه
- 3 حبات بنجر مسلوقة ومتقطعة مكعبات صغيرة
- 2 كوباية كابوتشي (كرمب ابيض) متقطع مكعبات صغيره
- 3 خيار متقطع مكعبات
- 3/4 كوباية دره حلوة
- حب رمانه متفصص (اختياري)
ويمكن زيادة المقادير حسب الرغبه
وبعد كده بقي نتوكل على الله ونبدأ طريقه التحضير وهي كالاتي:
طريقة التحضير
اول خطوه نسلق الفراخ في مية ونحط ملح وحبهان وورق لاورا وشريحة بصل ولما تستوي وبعد ماتبرد نقطعها مكعبات صغيرة حسب الحجم المرغوب وممكن نستبدل الفراخ بالبطاطس المسلوقه
ثاني خطوه نضيف لها كل مقادير الخضار بتاعة السلطه (بنجر مسلوق ومتقطع مكعبات صغيرة وكابوتشي وخيار و دره حلوه ورمانه متفصصه)
ثالث خطوه نجهز الصوص في شفشق الخلاط ونضربه كويس لغاية ما لونه يبقى وردي ونصبه على السلطه قبل التقديم بحوالي ساعه ونقلب وبكده يكون جاهز ويتم التقديم مع الوجبات الرئيسية أو يعتبر لوحده وجبه متكاملة تحتوي علي القيمه الغذائية المفيدة والبروتينات لمن يحب الاكل الصحي و الدايت ومن اجمل السلطات اللي ممكن تجربها
(وبالهناء والشفاء مقدما ).
قد يهمك ايضا: كيفية عمل مكرونة بالصوص الوردي أو صوص الروزيه الايطالي والطعم خطير يستحق التجربة
قد يهمك ايضا: اسهل طريقة لعمل شوربة المشروم كريمي ولذيذه وعلى طريقه أشهر المطاعم
قد يهمك ايضا: اسهل طريقة لعمل فاهيتا المشروم والخضراوات للدايت
ومتنسوش تقولوا لصحابكم واحبابك علي السلطه الوردية الصحية للدايت وطعمها الخطير عشان يعملوها ويستمتعوا بيها
ولو عجبكم المقال متنسوش تتابعوني وتكتبولي كومنت حلو زيكم، وتشوفوا باقي الوصفات
(والسلام خير ختام)
