الكفتة المشوية في 15 دقيقه بس

تعتبر الكفتة المشوية واحدة من أشهر الأطباق التي تجمع بين النكهات التقليدية والحديثة. يشتهر هذا الطبق بتقديمه اللذيذ والمغذي، حيث يحتوي على مكونات بسيطة وسهلة التحضير، مما يجعله مناسباً للمناسبات المختلفة

يلا بيناااااا نعملوا احلى كفتة مشوية و كانك جيباها من برة و كمان احلى  في 15 دقيقه بس هتطلع معاكي أحلى من كفتة الحاتي و بشهادة كل الي داقوها مني 

المقادير 

على النص كيلو الحمة مفرومة 

2 - بصلة متوسطة مبشورة 

2 - معلقة ليه خروف مبشورة 

2 - معلقة كبيرة دقيق للتماسك 

2 - معلقة كبيرة نشا عشان تبقا هاشة 

1- معلقة صغيرة بيكينج بورد

1 - معلقة صغيرة فلفل أسود

1 - معلقه صغيره السبع بهارات أو بهارات لحمة الي عندك بقا 

1- معلقه صغيره جنزبيل ( اختياري ) 

1 - معلقه صغيره قرفه ( اختياري ) 

الملح حسب الرغبة 

و تعاااالي بقا نعملوا الكفتة التحفة ديه 

اول حاجه بنجيب بولة و بنحط فيها النص كيلو لحمه مفرومة و بنجيب البصلتين مبشورين قطع صغيرة او في الكبة بس لو في الكبة متفرميش اوي عشان الكفتة تبقا متماسكة معاكي في الوصفة و بعدين معلقتين ليه ضاني مبشورة المعلقتين دول بقا بيفرقوا معاكي جدا في الريحة و الطعم و بعدين بنجيب معلقتين الدقيق كبار  و معلقتين  النشا كبار برضو بيظبطوا معانا القوام اوي السر بقا في معلقة صغيرة البيكينج بودر بيخلي الكفتة هاشة و عاليا معانا و بعدين معلقة صغيرة فلفل أسود و معلقة صغيرة بهارات لحمة او السبع بهرات و بعدين معلقة صغيرة  قرفة و معلقة صغيرة جنزبيل دول اختياري و بعدين الملح  حسب الرغبة ظبطيه انتي بقا و نعجنهم كويس اوي لحد ما كل المكونات تنسجم مع بعض السر ده بقا خطير متصبعيش الكفتة على ايدك لا هاتي عصاية الشيش طاووق و صبعي عليا و الصنية مش هندهنها لانها فيها ليه مبشورة لو معندكيش ليه مبشورة حطي معلقتين زيت و ادهني الصنية و انتي بتحضري شغلي الفرن عشان يبقا سخن و درجة الحرارةتبقا متوسطة و تحطيها في الفرن 15 دقيقة بالظبط و شوفيها و شمي بقا الريحة و الطعم خرااافة هتكلوها و تدعولي بأذن الله و بالهنا و الشفه على قلوبكم 

لو عجبتكم الوصفه ما تنسوش كومنت حلو وتقييم حلو زيكم 

و مع بعض إن شاء الله في وصفة جديدة مع السلامة