طريقة عمل البسبوسه طريقه مختلفه هتعجبكم

من زمان اوي وانا بحب اعمل بالطريقه دي تطلعها معايا تحفه وطعمها حلو جدا زي م امهاتنا زمان كانت بتعملها وياريت تجربوها وتقول لي طلعت معاكم ازاي❤️❤️

اول حاجه كدا  نجهز المواد الجافه و نحطهم ع جنب عشان يبقوا جاهزين متنساش اي حاجه

2 كوب سميد+ ربع كوب جوز هند مبشور (وممكن نبدل جوز الهند سميد عادي للي مش بيحب الجوز هند) + نص معلقه بيكنج باودر

ع النار بقى كوب سكر وربع كوب مياه ونفضل نقلب فيه كويس واول ما يبدأ يتكون ونلتقي ان اللون بدأ يضبط معانا  كويس ويبدأ يغلي نضيف 4 معلقه سمنه ولو السمنه مش تكفي ممكن نحط (2 معلقه زبده +2 معلقه سمنه) وعلبه قشطه صغيره ولو مش عندك قشطه نحط وش اللبن عادي ينفع معانا بردو بدل القشطه  ونضيف كوبايه الا ربع مياه.. يعني كده كل المياه كوب واحد بس.. ونفضل نقلب لغايه م نلاقي كله يمتزج ف بعض و نشيل من ع النار واول م يهدأ شويه بس بلاش نسيبه يبرد ياجماعه لازم يكون هادي مش بارد نضيفه ع المواد الجافه ونقلب براحه خالص وبلاش تقليب كتير وبلاش تقليب بسرعه ويا دوب اول م المكونات كلها تبدأ تدخل ف بعض وتمزج سوا 

نجيب صينيه مناسبه ع قد الخليط ندهنها سمنه كويس ونضيف الخليط ده كله فيها وبعد كدا هقولك ع تكه مهمه اوي تخبط الصينيه خبطتين كده عشان نطلع منها الهوا و نحطها في الفرن ونكون مولعين ع الفرن قبلها ب ٥ دقائق عشان يسخن

وياريت لو كان الفرن مستخدم قبلها في اكل معين ومحافظ علي درجه حرارته … دي من الحاجات اللي بتفرق معاكي وانتي شغاله

وهي في الفرن نجهز الشربات لان لازم وهي سخنه نحطها الشربات 

كوب ونص سكر وكوب مياه نحطهم ع بعض ع نار هاديه واول م يبدأ يغلي نضيف عصرة ليمون عليه وبس كده خلصنا طريقه الشربات واول م تطلع نسقيها الشربات ولازم نسقيها الشربات وهي سخنه عشان تشربه كله و نغطيها شويه وبالف هنا ع قلبكم انتظروني ف وصفات تانيه كتير وسهله ومميزه❤️❤️