تورته الجيلي الجميله

تورته الجيلي من الحلويات المحببه للصغار والكبار ومشرفه جدا مع الضيوف فى العزومات خصوصا فى الصيف وكمان بسيطه جدا وسهله وتكلفتها بسيطه وغير مكلفه وسريعة التحضير أيضا فى خلال دقايق و بدون مجهود فى المطبخ و اكيد هتعتمديها دايما فى كل عزوماتك و مناسباتك والمقادير دى انسب مقادير لها خصوصا اذا كانت الصينيه مقاس متوسط ومش ضرورى تكون الكيكه عاليه 

المقادير .كوب ونصف دقيق متعدد الاستخدامات و ده بيكون عند الحلوانى 

كوب سكر وياريت يكون سكر ابيض  ..تلاته بيضه كبيره 

فانيليا وبكنج بودر و رشه ملح بسيطه 

للتزيين

 اربعه باكو جيلى وثلاثه  أصابع موز 

الطريقه 

نضع السكر مع البيض فى بوله  مع الفانيليا ونضربهم بالمضرب   او الخلاط ويضرب جيدا حتى يبيض لونهم  ثم نضيف الدقيق مع البيكنج بودر ومعهم رشه ملح صغيره جدا   بعد نخلهم مع بعض ووضعهم تدريجيا ونقلب فى اتجاه واحد حتى يمتزج تمام …..ثم نبطن صينيه متوسطه الحجم بالزيت والدقيق و نضع خليط الكيك و نضعها على شبكه الفرن المتوسطه لمده نص ساعه على أن يكون شغال مسبقا و الفرن دافئ  قبل وضع الكيك ثم نختبرها بسلاكه او سكينه ونخرجها لتبرد وتقلب ونقوم بتجهيز الجيلي حسب خطواته على الباكيت كل باكيت عليه كوب ماء ساخن وكوب بارد ومعلقه سكر لكل باكيت  ونضع نصف مقداره فى نفس صينيه الكيك بعد غسلها ونضعه فى التلاجه حتى يتماسك تماما ثم نبدأ فى عمل خروم فى الكيك كلها ونخرج صينيه الجيلي من التلاجه ونزينها بقطع الموز و نرصه فوق الجيلي بأشكال دائريه  و ممكن أيضا وضع الفراوله او التفاح حسب الرغبه  ونضع الكيك فوق الموز ثم نضع نصف مقدار الجيلي المتبقي فوق الكيك بالتساوي حتى يتشرب تماما ثم نضعه فى التلاجه من أربع لست ساعات و نخرجه لمده عشر دقائق حتى تأخذ حراره المكان ولا تستمر فى الالتصاق بالصينيه و تقلب بسهوله ويسر  فى طبق التقديم و فى امكانك تزيين بالكريم شانتي حسب الرغبه مع تقديمه بارد لضيوفك وتعتبر تورته الجيلي من حلويات الصيف المحبوبه