مكرونه بالبشاميل بطريقه سهله ومضمونه واسرار النكهه والطعم
طريقه عمل المكرونة بالبشاميل
بطريقه سهله وسريعه وهنستخدم نوع المكرونه المتواجد لعمل مكرونه بالبشاميل انهارده انا استخدمت المكرونه الخواتم والاطفال بيحبوها فى اسرار لكل اكله والمكرونه بالبشاميل مليانه اسرار😋
المقادير:
1_كيلو مكرونه خواتم (او اي نوع متاح )
2_نص كيلو لحم مفروم (اللحم المفروم مش بيتغسل بنحطه فى مصفاه وبنمسح عليه بمنديل سواء كان لحم سليم او مفروم )
3_ بصل مقطع قطع صغيره الكميه حسب الرغبه
4_ توابل ( فلفل اسود_ السبع بهارات او اى توابل متاحه_ ملح _ رشه قرفه وزنجبيل( دول لازم يكونو مع اللحم المفروم لو هتستخدميه فى اي اكله )
نبدء الخطوات هنعمل ثلاث حاجات في نفس الوقت هنعمل اسرع مكرونه بالبشاميل فى وقت قليل والنتيجه مبهره
الخطوات :
اولا هنسلق المكرونه نحط ماء يغلى ونضيف ملح وملعقه زيت هنلاحظ فى المرحله دى ان الملح قلل من غليان الماء هننتظر دقائق ونضيف المكرونه الخواتم او اي نوع متاح ومش هنغطيها وهنخليها تاخذ نص او تلات اربع سواها وبعدين تتصفى المكرونه و هناخذ شويه من ميه سليق المكرونه هينفعونا فى البشاميل التكه دى مهمه جدا وانا بفضل اغسلها بماء جيدا
ثانيا ربع كوب زيت او ملعقتين سمن او زبد هنستخدم المتاح انا بفضل زيت وبعد ما البصله تدبل شويه احط مكعب او اتين زبده بتفرق جدا فى الطعم هنضيف التوابل قبل المفروم ملح وفلفل اسود السبع بهارات او البهارات المتاحه رشه القرفه والزنجبيل يتحمصوا شويه مع البصله تطلع الريحه والجمال بعدين نضيف اللحم المفروم مع التقليب
المرحله الثالثه والاهم عمل البشاميل هنعمله بالخلاط ومفيش فرق بينه وبين الي بيتعمل على النار بالعكس قوامه بيكون اجمل
هنحط اول حاجه في الخلاط كيلو حليب (لبن) ومعاه كوب ونص او كوبين من ماء سلق المكرونه ذكرناه فى الخطوه الاولى
ممكن نضيف كريمه طهي او قشطه حسب الرغبه والمتاح وكوب دقيق هنضبط الملح ورشه فلفل ابيض او اسود المتاح وهنحط رشه من الكبيبه الصيني ومتوفره ورخيصه عند العطارين بديلها جوز الطيب رشه بسيطه نخلط المكونات ونسخن ( الحله ) ونضيف زبده وننزل عليها لما تسيح بالبشاميل مع التقليب المستمر نوصل للقوام الكريمي ونتقله حسب زوق كل واحد
اخر خطوه نضيف اول طبقه بشاميل علشان الكرونه متلزقش مننا ونخلط شويه من البشاميل بالمكرونه ونقسمهم نصفين نستخدم النصف الاول وبعدين طبقه من اللحم المفروم ونحاول نساوى الارتفاعات نضغطها ونضيف النص الطبقه الاخيره من المكرونه ونغطيها بباقى البشاميل
ملحوظه عاوزين المكرونه تكون لونها احمر ذهبي هنضرب اتنين بيض عليهم رشه فلفل اسود ونحطهم على صينيه المكرونه بالبشاميل وممكن نضيف جبن رومى مبشور اختيارى بس بيفرق فى الطعم والف هنا وشفا على قلوبكم.
