٢٠رغيف حواوشي من نصف كيلو لحمه وسر تتبيله لحمه الحواوشي

                           الحواوشي بطريقه سهله واقتصادية وسريعه هنعمل 20 رغيف حواوشي من نص كيلو لحمه وكمان هقول لكم سر تتبيله لحمه الحواوشي عشان تطلع زي المحلات واحلى هنبدامع بعض ونقول المقادير والطريقة بالتفاصيل

لو عايزه تعملي حاجه حلوه لاولادك وبتكاليف قليله جدا وعايزه تغيري يوم في الاكل تعالي اقولك تعملي طريقه حلوه الحواوشي وبتكاليف قليله جدا هتعملي عشرين رغيف بنصف كيلو لحمه مفرومه بس وشويه خضار وهيبقي عندك احلي وجبه غدا

المقادير:

نصف كيلو لحمه مفرومه

ثمن كيلو دهن أو(ليه)

اتنين ثمره كبيره بصل

اثنين ثمره طماطم

اثنين ثمره فلفل رومي

فلفل حار

ثلاث فصوص من الثوم

ملح

فلفل

بهارات لحم

قرفه

جنزبيل

جوزه الطيب

او كيس بهارات حواوشي (اختياري)

فحم

عيش حواوشي

 

الطريقة:

نخلط اللحمه المفرومه مع الدهن ونضع عليها الطماطم والفلفل الاخضر والفلفل الحار ثم نضع عليها البصل المفروم والثوم والفلفل الحار والتوابل

تفرم جيدا جميع المكونات حتي نحصل علي قوام متماسك

نشكل كميه اللحم علي شكل عشرين كره صغه

نفتح العيش ونضع كره اللحم ونفردها جيدا في الرغيف

ثم ندهن رغيف الحواوشي بالزيت من الاتجاهين

نحضر طاسه ونضع عليها العيش يحمر من الاتجاهين او يمكن وضعه في الفرن علي درجه حراره متوسطه حتي يأخذ لون مناسب ويكمل تسويته.

 

طريقه عمل الحواوشي بابسط الطرق وبالتفاصيل بمكوناته كلها موجوده في البيت وموفر هنعمل 20 رغيف حواوشي بنص كيلو لحمه ويطلع احلى ساندوتش حواوشي احلى من اي مطعم ومضمون وامن ليكي ولاولادك 

ملحوظه:

يمكن استخدام العيش البلدي (عيش الفرن)وتقطيعه نصفين ونضع فيه باللحمه ثم تحميصه علي جريل مدهون زيت

يمكن استخدام فراخ مفرومه بدل من اللحم ويفضل أن تكون من الأورام لأنها تكون بها نسبه دهون أما الصدور بتكون ناشفه ونضع معها ملعقتان من البقسماط مع التوابل والبصل المفروم والفلفل الاخضر والطماطم.

يمكن وضع جبنه موتزريلا علي الحواوشي  من الداخل أو الخارج حسب الطلب

يمكن وضع تتبيله علي ساندوتش الحواوشي بعد خروجه من الفرن لزياده طعمه

لو عايزه رغيف الحواوشي طري غطيه اول ما يطلع من الفرن

يمكن تسويه الحواوشي علي البوتاجاز أو في الفرن

يقدم الحواوشي مع الطحينة والسلطة والمخلل

وبالهنا والشفا

#وصفات_شربات

 

طريقه عمل الحواوشي بكل تفاصيله