طريقه عمل البان كيك
طريقه تحضير البان كيك في المنزل بسهوله
البان كيك من الذ وأسرع الوصفات الممكن نعملها في البيت،الجميل فيها انها مش محتاجه مكونات غاليه او خطوات معقده،وف اقل من نص ساعه بتكوني حضرتي فطار او وجبه خفيفه ولذيذه جدا ومش شرط تكوني محترفه في المطبخ عشان ينجح معاكي، لأنه مكوناته موجوده في كل بيت وسهل جدا ومع شويه اهتمام في التحضير هتحصلي على بأن كيك هش وجميل
《المكونات》
1_(كوب واحد دقيق)
2_(كوب واحد حليب)
3_(بيضه واحده بدرجه حراره الغرفه)
4_(معلقتين كبار سكر)
5_(معلقه صغيره ملح)
6_(معلقه صغيره بيكنج بودر)
7_(معلقه كبيره زبده مذابه اوزيت)
8_(معلقه صغيره فانيليا)
《طريقه التحضير》
اول حاجه في طبق كبير اخلطلي الدقيق مع السكر والبيكنج بودر والملح وبعد كده في طبق تاني اخفقي البيضه
مع الحليب والفانيليا والزبده او الزيت بعد كده اسكبي المكونات السائله على المكونات الجافه. وقلبي بهدوء عشان القوام يكون ناعم وحلو
سخني طاسه غير لاصقه على نار هاديه إلى متوسطه، وادهنيها بمسحه بسيطه من الزبده او الزيت. حطي مقدار معلقهه صغيره من الخليط في الطاسه او بموزع خلي البان كيك العلبه البلاستيك وسبيه لحد ما تلاحظي ظهور فقعات على السطح،ف اللحظه دي اقلبيها فورا على الناحيه التانيه وسبيه دقيقه او دقيتين لحد ما ياخد لون دهبي جميل. كرري نفس الخطوات مع باقي الخليط وبعدها رصي قطه البان كيك فوق بعضيها وقدمها وهي دافيه وعشان يكون البان كيك هش وطري لازم تسيبي الخليط يرتاح
من 5 الى10 دقائق قبل الاستخدام،وهتلاحظي فرق واضح في القوام والطعم
《افكار للتقديم》
تقدري تزيني البان كيك بالعسل الابيض او عسل النحل او الشوكولاته السائله او المربى او زبده الفول السوداني. كمان الفواكه الطازجه زي التوت والفراوله والموز بيديها طعم رائع وشكل يفتح النفس.ولو بتحبي المكسرات رشه صغيره من اللوز او البندق المجروش هتضيف قرمشه لذيذه اي نوع فاكهة انتي بتحبيه ضفيه
《نصايح لنجاح البان كيك》
● استخدمي مكونات بدرجه حراره الغرفه لحصول على افضل نتيجه
● خلي النار متوسطه او هادئه
●متكتريش من تقليب الخليط لان التقليب الزايد بيأثر على قوامه
● قديمه على طول بعد التحضير عشان يكون طري وهش
وفي النهايه البان كيك من الوصفات التجمع بين البساطه والطعم اللذيذ، وممكن تعمليه في اي وقت
سواء للفطار او سناكس خفيف مع كوب شاي او قهوه، جربي الوصفه مره وتلاقيها من الوصفات الاساسيه الهتكرريها بأستمرار ف بيتك ، وكمان يقدر يكون جزء من نظام عذائي متوازن لما نحضره بطريقه الصحيه
وكتير من الناس بيفتكر ان البان كيك مجرد حلوى، لكن الحقيقه انو ممكن يكون وجبه مفيده لانو بيحتوي على الكربوهيدرات اللي بتدي الجسم طاقه، وعشان كده بيكون اختيار مناسب جدا لوجبه الفطار، خصوصا لو عندك يوم طويل او محتاجه تبدائي يومك بنشاط . ولو حابين وصفات تانيه اكتبولي في الكومنت بحبكم جدا.
