اسهل طريقة لعمل فاهيتا المشروم والخضراوات للدايت

فاهيتا المشروم والخضراوات الغنيه بالفيتامينات والمعادن سهله التحضير ومذاقها رائع  

 

بسم الله اول حاجه المقادير البسيطه والسهله بتاعتها وهي:

 

المقادير

- 4 ملعقة طعام زيت 

- 200 جرام من المشروم (مقطع) 

-  ثوم بودر

-  ملح (حسب الرغبة)

- فلفل أسود (حسب الرغبة)

- 1 بصلة وسط

- رشة سكر

- فلفل الوان (اخضر واحمر واصفر) او اي خضار 

-  صويا صوص(او البديل):

- نص كوب ماء ساخن

- ملعقة صغيرة سكر

- ملعقة صغيرة ملح

-  نص ملعقة صغيرة زنجبيل (مطحون)

-  نص ملعقة صغيرة فلفل أسود

- ملعقة كبيرة خل

- ملعقة كبيرة زيت

- ثلاث ارباع كوب عسل اسود

 هذه المقادير ينتج عنها حوالي 300 جرام من بديل الصويا صوص تكفي لكل وجباتك (يفضل ان تحفظ في الثلاجه)

 

وبعد كده بقي نتوكل على الله ونبدأ طريقه التحضير وهي كالاتي:

 

طريقة التحضير

اول خطوه هنضيف 2 ملعقة من الزيت يسخن في مقلايه على النار ونضيف المشروم المقطع ونشوحه وبعد كده نضيف رشة من الثوم البودر والملح والفلفل على مقدار المشروم وكمان نضيف ملعقة صغيره من الصويا صوص وطبعا ممكن نستغنى عنها ونعملها بالبديل (موجود في المقادير) ونقلب ويبقى كده المشروم جاهز ونطلعه في طبق على جنب 

ونبدأ في الخطوه الثانية نضيف 2 ملعقة من الزيت ونضيف عليهم البصل (مقطع جوليان) في المقلاية نشوحه ونضيف عليه ملعقة من السكر عشان يكرمل بسرعه ونضيف بعدها رشة من الثوم البودر والملح والفلفل على مقدار البصل ونقلبه دقيقه ونحطه على جمب في المقلايه عشان نبدأ نضيف الخضار سواء الفلفل الالوان او لو حابب تضيف خضروات تانيه بتحبها ونقلب الخضار ونضيف عليه ملعقة صغيره من الصويا صوص ونضيف بعدها رشة من الثوم البودر والملح والفلفل على مقدار الخضار وبعد كده نقلب البصل مع الخضار ونشوح كله مع بعضه لحد اما يدبلوا وممكن نحط المشروم الجاهز عشان كلهم يسخنوا مع بعض ونقلبهم دقيقه وتكون كده الوصفه جاهزه ويتم التقديم

(وبالهناء والشفاء مقدما ).
    

    قد يهمك ايضا: اسهل طريقة لعمل شوربة المشروم كريمي ولذيذه وعلى طريقه أشهر المطاعم

    قد يهمك ايضا:  كيفية عمل مكرونة بالصوص الوردي أو صوص الروزيه الايطالي والطعم خطير يستحق التجربة 

    قد يهمك ايضا: طريقة تحضير السلطه الوردية الصحية للدايت

ومتنسوش تقولوا لصحابكم  واحبابك علي فاهيتا المشروم والخضراوات للدايت وطعمها الخطير عشان يعملوها ويستمتعوا بيها 

ولو عجبكم المقال متنسوش تتابعوني وتكتبولي كومنت حلو زيكم، وتشوفوا باقي الوصفات

(والسلام خير ختام)