افضل 10 وجبات صحية وسريعة و كمان تنفع للدايت و مش هتاخد منك وقت خالص

10 وجبات صحية وسريعة للدايت يلاااا بينا  

كتير مننا لما بيفكر يعمل دايت  أول حاجة بتيجي في دماغه إن الأكل هيبقى ممل و  معقد ومحتاج وقت طويل في المطبخ  بس الحقيقة إن في وجبات صحية وسهلة ممكن تتعمل في أقل من 10 دقايق وتخلي الدايت ممتع ولذيذ. 
في المقالة دي هتلاقي 10 أفكار لوجبات صحية وسريعة هتساعدك تلتزم بنظامك الغذائي من غير ما تضيع وقت وفلوسك.
 

1. شوفان بالفواكه والعسل

المكونات: نصف كوب شوفان – كوب لبن خالي الدسم – قطع فواكه (موز أو تفاح) – معلقة صغيرة عسل.

طريقة التحضير:

1. انقع الشوفان في اللبن 5 دقايق.
2. ضيف الفواكه فوقه.
3. حط معلقة العسل للتزيين.

الفايدة: وجبة مشبعة ومليانة ألياف وفيتامينات.

 

2. سلطة التونة بالخضار

المكونات: علبة تونة مصفّاة – خيار – طماطم – ذرة – عصير ليمون.

طريقة التحضير:

1. قطّع الخضار مكعبات صغيرة.
2. ضيف التونة عليهم.
3. عصر ليمون ورشة ملح وفلفل.

الفايدة: بروتين عالي وسهلة التحضير.

 

3. بيض مسلوق مع خضار

المكونات: 2 بيضة – خيار – جزر – رشة ملح.

طريقة التحضير:

1. اسلق البيض من 7 لـ 10 دقايق.
2. قدّمه مع الخيار والجزر كوجبة خفيفة.

الفايدة: بروتين مشبع ومناسب لأي وقت.

 

4. ساندويتش جبنة قريش بالخس

المكونات: 100 جم جبنة قريش – 2 شريحة عيش أسمر – ورق خس.

طريقة التحضير:

1. افرد الجبنة القريش على العيش.
2. ضيف ورق الخس فوقها.
3. اقفل الساندويتش واستمتع.

الفايدة: قليل الدهون وغني بالكالسيوم.

 

5. زبادي بالعسل والمكسرات

المكونات: كوب زبادي لايت – معلقة صغيرة عسل – 5 حبات مكسرات.

طريقة التحضير:

1. حط الزبادي في بولة.
2. ضيف العسل والمكسرات للتزيين.

الفايدة: سناك صحي ومغذي.

 

6. شوربة خضار سريعة

المكونات: جزر – كوسة – بصل – مرقة خفيفة.

طريقة التحضير:

1. قطّع الخضار صغير.
2. اسلقهم في المرقة 10 دقايق.
3. قدّمها سخنة.

الفايدة: قليلة السعرات ومليانة ألياف.
 

7. سموثي الموز والسبانخ

المكونات: موزة – سبانخ – كوب لبن لوز أو لبن خالي الدسم.

طريقة التحضير:

1. حط المكونات في الخلاط.
2. اخلط كويس لحد ما يبقى مشروب ناعم.

الفايدة: مليان طاقة وفيتامينات.

 

8. صدور فراخ مشوية

المكونات: 200 جم صدور فراخ – عصير ليمون – ملح وفلفل.

طريقة التحضير:

1. تبّل الفراخ بعصير الليمون والملح والفلفل.
2. اشويها على جريل أو طاسة تيفال 7 دقايق لكل ناحية.

الفايدة: بروتين عالي ومناسب بعد التمرين.

 

9. أومليت بالخضار

المكونات: 2 بيضة – بصل – فلفل ألوان – طماطم.

طريقة التحضير:

1. اقطع الخضار صغير.
2. اخفق البيض وضيف الخضار.
3. اسوي الخليط في طاسة تفال.

الفايدة: وجبة متكاملة وسريعة.

 

10. سلطة الكينوا بالفاصوليا

المكونات: كوب كينوا مسلوقة – نصف كوب

حابب اقولك فى الاخر  ان الالتزام بالدايت مش معناه حرمان خالص بالعكس ممكن تستمتع بأكلات سريعة وصحية في نفس الوقت  جرب الوصفات دي  وهتلاقي نفسك ملتزم بنظامك الغذائي من غير ملل وجمّع وجباتك على قد وقتك عشان تفضل محافظ على صحتك ووزنك.