طريقة عمل ( البرجر المنزلى ) و ( بلح الشام )

طريقة عمل البرجر المنزلي

المقادير 
======
1 كيلو لحمه بقري أو غنم مع دهن مفروم ناعم
( الكميه اختيارك)
ربع ملعقة كبيرة جوز الطيب مطحونة
3ملاعق من الطحينه 
فنجان من الحليب 
ملح حسب الذوق
1 ملعقة كبيرة فلفل أسود
1 ملعقة كبيرة سبع بهارات
1 ملعقة صغيرة ثوم بودرة
1 ملعقة صغيرة فلفل أحمر حار
نص كوب بقسماط مطحون 
ملعقة مستردة اختيارى

الطريقة 
======
نضع اللحمة المفرومة ناعمة في وعاء ونبدأ بتتبيلها بجميع أنواع التوابل المذكورة 
نضع فوق اللحمة كلاً من الملح والفلفل الأسود والأحمر وجوزة الطيب والطحينه والسبع بهارات والثوم البودرة و البقسماط المطحون ونخلط كل المكونات الباقية
حتى تمتزج اللحمة جيداً مع التوابل وتمتص النكهات 
نشكل كرات من اللحمة ثم نضغطها حتى تصبح دائرية كأقراص البرجر 
نحمي الزيت ونقليهم ونضعها في الساندويش مع الخس والكاتشب والخضار والجبن حسب الذوق أو يمكن وضعها في الفريزر إلى حين استخدامها
وبالف 

 

طريقه عمل بلح الشام ❤

=================

المقادير :
٢  كوب دقيق 
٢ كوب ماء
بيضة
ربع كوب زيت وممكن زبدة 
رشة سكر + رشة ملح
معلقتين كبار نشا + معلقتين كبار سميد بسبوسة

الطريقه :

===========

تعالوا نحضر الشربات الاول 👌
٢ كوب سكر عليهم كوب ونص مية حطيهم في حلة علي نار متوسطة واعصري عليهم نص ليمونه وسيبي الشربات يغلي حوالي ٥ دقائق او ٧ دقائق وقبل ماتطفي عليه حطي كيسين فانيليا بعد كدا أطفئ عالشربات وسيبه يبرد خالص

طريقة بلح الشام 👇

هاتي حله وحطي فيها المية ورشة الملح والسكر والزيت 
وحطيها عالنار واول ماتبدأ بالغليان  أطفئ النار وحطي الدقيق وقلبي بالمعلقة في الدقيق لحد مالعجينة تبرد خالص حطي البيض عالعجينة وكمان رشة فانيليا واعجني كويس باايديكي وفي الاخر حطي النشا والسميد واعجني بردو كويس جدا لحد ماتكون معاكي عجينة طرية وليمة

هاتي كيس الحلواني وقمع بلح الشام قبل ما تحطي العجينة في الكيس الحلواني إدهني الكيس مسحة بسيطة من الزيت عشان العجينة تنزل معاكي بكل سهوله

في طاسة حطي فيها زيت غزير وشكلي فيها بلح الشام والزيت يكون بارد بعد كدا ولعي النار عليه يستوي والنار تكون هادية عشان يستوي كويس جدا اول ماياخد لون احمر اقلبية الناحية التانية يحمر طلعيه من الزيت عالشربات علطول والشربات طبعا يكون بارد وبلح الشام سخن 
طلعي بلح الشام من الشربات علي مصفي عشان يصفي اى شربات زيادة كل مرة تسوي بلح الشام عالنار لازم تبردي الاول الزيت عشان بلح الشام ميتحرقش منك ويستوي كويس

ونقدمه و بألف هنا ❤