كيكة البرتقال بصوص البرتقال

كيكة البرتقال بصوص البرتقال وحنستخدم كمان فيها قشر البرتقال المجفف واللي حقولكم طريقة تجفيفه في اخر المقاله

• المقادير للكيكة:
• شريحتين من قشر البرتقال او ملعقة كبيرة من بودر قشر البرتقال
• ٢ كوب دقيق
• ٤ بيضات
• ١ كوب سكر 
• ١ كوب عصير برتقال
• نصف كوب زيت
• ملعقه صغيره بيكنج باودر
• للصوص:
• عصير برتقال
• ١ ملعقه نشا كبيرة
• ٢ ملعقه كبيرة سكر او حسب الرغبه
• الطريقة:
• ١_نضع السكر والبيض في الخلاط ونخلطهم كويس مع بعض لحد ما لونهم يكون فاتح
• ٢_نضيف الزيت والعصير وقشر البرتقال ونضربهم تاني سوا
• ٣_في بولة نحط الدقيق والبيكنج باودر ورشه ملح ونخلطهم كويس مع بعض 
• ٤_نحط الخليط السائل مع الخليط الجاف ونخلطهم سوا ونتاكد ان مفيش دقيق مكلكع
• ٥_نبطن الصينية اللي حنستخدمها بالسمنه او الزيت والدقيق ونحط خليط الكيك ونحطها في فرن متسخن من قبل كدة على حرارة ١٨٠ درجه مئوية لمدة ٤٥ دقيقة ومنفتحش عليها الفرن الا بعد مرور نص ساعه عليها في الفرن
• ٦_للصوص حنخلط العصير مع النشا والسكر على البارد الاول وبعدين نحطهم على النار ونقلبهم كويس لحد ما يبدأ الخليط يتقل ونقفل عليه النار
• ٧_لما الكيك يستوي نطلعه ونسيبه يهدا ونخرمه بشوكة او بسكينه او بخله ونحط عليه الصوص ويكون دافي ونخلي جزء منه على جنب عشان لما نقدمه نحط زياده على كل قطعه 
• وبالهناء والشفاء
•  
• طريقة تجفيف قشر البرتقال
  ١_غسيل البرتقال جيدا وتقشيره ويفضل تقشير القشرة البرتقاليه بمقشره البطاطس وتجنب وجود القشره البيضاء فيها عشان ميكونش فيه في القشرة طعم المرارة اللي بتكون موجودة في القشرة البيضاء
• ٢_توزيع قشر البرتقال على صينية واسعه ووضعه في مكان جيد التهوية بعد تنشيفه جيدا وتقليبه من وقت لاخر ويفضل تعريض القشر للشمس حتى يجف بسرعه ان امكن
• ٣_بعد جفاف قشر البرتقال جيدا يمكن الاحتفاظ به في كيس محكم الغلق في التلاجه او طحنه في مطحنه التوابل والاحتفاظ به في برطمان محكم الغلق في التلاجه واستخدامه وقت الحاجه

من الممكن استخدام قشر البرتقال في تتبيل لحوم الطيور مثل الفراخ والبط بإضافه ملعقة من الباودر او شريحه منه الى التتبيله