اربع طرق لعمل مشروبات الطاقه المنعشه بطريقه احترافيه

اربع مشروبات الطاقة بلو ليمون سودا 💙 و موهيتو بلو هاواي 💙 و  موهيتو بطيخ وليمون منعش و ليمون بالنعناع 💚

الطريقه الاولى 👇 😍 

بلو ليمون سودا 💙

المقادير:

• 1/2 كوب صودا بدون نكهة (مياة غازية سادة)

• 1/4 كوب عصير ليمون فريش

• 2 معلقة كبيرة سيرب توت أزرق مركز (blueberry syrup)

• تلج مكعبات

• شرايح ليمون للتزيين

• سكر أزرق أو أبيض لتغليف حرف الكوباية (اختياري)

طريقة التحضير:

• غلّفي حرف الكوباية بالليمون، وغمسيه في سكر أزرق أو أبيض لو حابة شكل التقديم يطلع كافيه ستايل.

• في الكوباية، حطي التلج وشرايح الليمون.

• صبي عصير الليمون وسيرب التوت الأزرق.

• وفي الآخر ضيفي الصودا بهدوء علشان الفوار يفضل ظاهر ويبان شكله.

• قلّبي خفيف لو حابة اللون يختلط، أو سيبيه مفصول للتقديم.

ملحوظة:

لو معندكيش سيرب توت أزرق، ممكن تعملي بديل سريع من:

• نقطة لون أزرق غذائي صحي + معلقة صغيرة عسل أبيض أو شربات تقيل + نقطة فانيليا.

بالهنا والشفا ♥️

الطريقه الثانيه 🫰 😍 

موهيتو بلو هاواي 💙💚

المقادير:

 • 200 مل مشروب غازي شفاف

 • 40 مل عصير ليمون طازة

 • 1/4 ملعقة صغيرة لون أزرق غذائي صحي مذاب في ملعقة صغيرة ماء (أو 20 مل صوص بلوبيري مركز)

 • 10 مل سيرب نعناع (اختياري)

 • مكعبات ثلج

طريقة التحضير:

 1. نملأ الكوب بالثلج لحد النص.

 2. نضيف عصير الليمون ونقلب.

 3. نصب اللون الأزرق الغذائي أو صوص البلوبيري على العصير ونقلب خفيف.

 4. نضيف المشروب الغازي الشفاف بهدوء عشان يبان التدرج بين الأزرق والأخضر.

 5. ممكن نزين بشرائح ليمون وأوراق نعناع حسب الرغبة.

بالهنا والشفا ♥️

الطريقه الثالثه 👇 😍 

موهيتو بطيخ وليمون منعش 🍉🍋

المقادير:

• 1 كوب بطيخ متقطع ومجمد

• 1/2 كوب مياه ساقعة

• عصير 1/2 ليمونة

• 1 معلقة كبيرة عسل أو سكر (حسب الرغبة)

• شرايح ليمون للتقديم

• مكعبات تلج

طريقة التحضير:

• اضربي البطيخ المجمد مع المياه والعسل وعصير الليمون في الخلاط لحد ما يبقى عصير ناعم.

• حضّري الكوباية وحطي فيها تلج وشرايح ليمون.

• صبّي عصير البطيخ فوق التلج.

• للتزيين، حطي شريحة بطيخ صغيرة على طرف الكوباية.

بالهنا والشفا ♥️

الطريقه الرابعه 👇😍

ليمون بالنعناع 💚

المقادير:

• 1/2 كوب عصير ليمون فريش

• 1/4 كوب سيرب نعناع (جاهز أو معمول في البيت)

• 1 معلقة كبيرة سكر (أو حسب الرغبة)

• 1 كوب تلج مجروش

• 1/4 كوب مياه ساقعة

طريقة التحضير:

• في الخلاط، حطي عصير الليمون وسيرب النعناع والسكر والمياه والتلج.

• اضربيهم كويس جدًا لحد ما القوام يبقى فروزن وهش زي الصورة.

• صبّي المشروب وقدميه فورًا وهو ساقع.

بالهنا والشفا ♥️