طريقة عمل الجمبرى المقلى راس و ديل

السلام عليكم انا فاطمةدى هتكون اول وصفة ليا على التطبيق اتمنى تعجبكم ان شاء الله لو عجبتك الوصفة هنزل و صفات تانية يلا نبداوصفة انهاردا هى جمبرى مقلى راس و ديل يعنى متنضف ومتقشر بس موجود الراس والديل #جمبرى مقلى بالقشر#

*المكونات

• -1 كيلو جمبرى راس وديل
• -6 فصوص ثوم
• -ملح-كمون
• -2فلفل اخضر
• -1 فلفل احمر(حسب الرغبة)
• -لمونة
• -مصطردة
• -دقيق
• -نشا
• *طريقة التحضير
• هنغسل الجمبرى كويس و نقص الشنب بتاعه علشان ميبقاش صعب و هو بيتقلى
• هنفرم الثوم مع الفلفل الاخضر و الاحمر مع الملح و الكمون كويس بعد كدة نضيف عليهم عصير اللمونة و المصطردة
• نحط نص كمية الخلطة على الجمبرى و نحطه فى الثلاجة شوية و النص التانى هنجيب بولة و نحط فيها شوية دقيق عليهم شوية نشا و ماية لحد ما يبقا خليط مش سائل و لا تقيل #جمبرى مقلى مقرمش#
• بعد كدا نجيب طبق نحط دقيق وحبة نشا و نطلع الجمبرى من الثلاجة ونحطه فى الخليط الى عملنا و نخلطه كويس جدا بعد هنطلع الجمبرى من الخليط و نحطة طبق الدقيق و النشا
• ونبدره كويس فى الدقيق علشان الدقيق يمسك فى الجمبرى لما يتقلى ويبقى مقرمش بعد من خلص الكمية بنبقا رصينه فى طبق علشان ميلزقش فى بعض
• نجيب طاسة قلى او صنية قلى و نحط فيها كمية زيت كويسين ونستنا لما تسخن كويس ونزل الجمبرى فى الزيت
• نحاول ما نقلبش الجمبرى كتير علشان الكافر  ميبوظش 
• و بعد من نخلص بقيت الكمية نجيب طبق كبير و تقطع فيه شوية بقدونس  و نحط عليهم الجمرى ونحط فوقيهم شوية بقدونس
• و نقدم الوصفة مع طحينة و رز و عيش# جمبرى كرسبى #
• *طريقة عمل الطحينة
• هنجيب بولة و نحط فيها طحينة و شوية ماية دافية مع ملح و نص لمونة وشوية كمون وخل و فص ثوم صغير مفروم و نخطلهم  مع بعض و بس و كدا تكون خلصت الوصفة بتاتعتنا انهاردا انا بحب اقولكوا الوصفة بالتفاصيل علشان تمشو خطوة خطوة بالظبط و تنجح معاكم

السلام عليكم 

باى