أفضل وصفة لصنع كيكة العسل الروسية وبسبوسة السينابون بالجبن

​​"كيكة العسل الرّوسية..♥️🍯"

#للكيك 
اصبع زبده ١٠٠ جرام 
٣/٤ كوب سكر ( أبيض او بني حسب الرغبه ) 
ربع كوب عسل 
على نار هاديه لين يتجانس الخليط بس و يصير دافي ، انتبهوا لا يغلي👌🏻 
اشيله من النار و اضيف عليه : ملعقه ص و نص بكنج صودا ( بيكربونات الصوديوم ) 
و نخلط بسرعه 
بعدين اضيف بيضتين مخفوقه مع ڤانيلا بالتدريج و احرك بسرعه

•آخر شي اضيف : ٣ اكواب دقيق مع رشة ملح 
و نعجن لين تصير عندنا عجينه لينه 
بتكون دافيه شوي ، نغلفها بنايلون و ندخلها الثلاجه نص ساعه تبرد ، لا تخلونها تطول في الثلاجه عشان ما تقسى و يصعب فردها 👌🏻

نقسمها ل ٦ قطع تقريباً 
نبدأ نفرد كل قطعه و نقطعها بالمقاس اللي حابينه

نخرمها بالشوكه و عالفرن من ٤ ل ٦ دقايق ع درجة حراره ١٨٠ ما تطول أبداً عشان ما تصير بسكوت 
بعد ما تستوي كل القطع نغلفها و نتركها ع جنب

و اذا حابين الكميه أكبر دبلوا المقدار 👍🏻

#تجهيز_الكريمه

جبن كريمي ( فيلادلفيا ) ٢٨٠ جرام 
نخفقها في الخلاط الكهربائي و نضيف عليها ظرف دريم ويب و كريمة خفق تقريباً كوب و نص ( اختاروا نوعية كويسه من الكريمه عشان تتماسك معاكم بسهوله ) 
حطيت مع الكريمه كراميل للنكهه ( اختياري ) 
نبدأ نرتب الطبقات 
الباقي من خليط الكيك ( الأطراف ) نطحنها و هي اللي بنغطي فيها الكيكه ، ممكن نضيف اي مكسرات حابينها مثل اللوز او جوز البيكان مع طحن الحواف و ممكن بدون

نتركها تبرد في الثلاجه تمام من ٤ ل ٦ ساعات 
نزينها و نقدمها

"وبألف هنا..♥️🍯"

​​"بسبوسة السينابون..🤎🍮"

#المقادير  
كوب سميد 
كوب حليب بودره عادي او محموس براحتك 
نص كوب سكر 
ربع كوب زيت 
علبة قشطه 
ملعقه صغيره قرفه 
ملعقه صغيره كاكاو بودره 
ملعقه صغيره بكنج پاودر 
نص كوب ماء

#الطريقة
نخلط المقادير ثم نصبها في الصينيه و عالفرن لين تستوي البسبوسه

#للشيره
٣/٤ كوب حليب مبخر زي " بوني او ابو قوس " 
+ ٣/٤ كوب سكر عالنار لين تغلي شوي و يذوب السكر 
و نسقي فيها البسبوسه 
بعدين اضيف عليها الطبقه البيضاء اللي هي : 
علبة نستله + ١٢ حبه جبن كيري 
و عالفرن من فوق بس تتماسك 
نرش الوجه بقرفه و نقدمها

"وبألف هنا..🤎🍮"