كيفية عمل مكرونة بشاميل جوسى

طريقة عمل المكرونة البشاميل الجوسي :
المكونات:
نصف كيلو لحمة مفرومة
نصف كيلو مكرونة قلم او اسباجتي 
نصف كيلو بصل مفروم
4 معالق دقيق 
5 معالق زبدة أو سمنة أو زيت 
5 اكواب حليب
طماطم مقطعة 
2 معلقة معجون طماطم 
ملح 
فلفل اسود
رشة جوزة الطيب 
السبع بهارات (اختياري) 
قرنفل 
نصف بصلة سليمة

طريقة تحضير المكرونة البشاميل الجوسي :
نحضر طاسة كبيرة ونضع اللحمة نصف او ربع كيلو زي ما تحبوا حتي تأخذ صدمة يتغير لونها ونضع بصلتين كبار البصل المفروم ولو مش بتحب البصل يكفي بصلة واحدة
ونضع ثلاثة طماطمات مقطعين صغيرين ونضع معلقتين من معجون الطماطم ونضع الملح ونصف معلقة كبيرة من الفلفل الاسود وربع معلقة من بهارات لحمة  ونقلب كله مع بعض وكخطوة اختيارية نضيف مكعب مرقة نهرسة ونحطه ونقلب 
اللحمة كدا اتعصجت نجهز المكرونة بقا 
ونضع الملح في الماء اللي بيغلي وبعدها نضع المكرونة ونقلب اول ما يغلوا اخد شوية مية من السلق عشان لو عايزة اخفف من البشاميل واخليها ٤/٣ سلق ونصفيها
نيجي بقي للبشاميل
معلقتين كبار من الزبدة 
معلقة من السمنة ومعلقتين كبار من الزيت الميكس ده بيبقي تحفة ونحط اربع معالق كبار من الدقيق والمفروض بيكون كمية الدقيق بيساوي كمية المادة الدهنية (السمنة والزبدة والزيت )ونقلب بحيث نخليها ميبقاش في تكتلات ونسيبها تغلي كدا دقيقتين تلاتة ونقلب وبعدها ممكن نضيف اللبن وهو بارد والخليط ع النار أو أن احنا نشيل الحلة من ع النار ونتركه يبرد وبعدها نضيف الحليب ساخن والطريقتين صح جدا وانا افضل الطريقة التانية بحيث نضمن أنها مش هيبقي في تكتلات ابدا وبنحط خمس كوبيات من الحليب ونقلب ومع التقليب الخليط هيتقل ولو حسينا أنه تقل نضيف من مئة المكرونة بتاعة السلق ونحطه ع النار ونقلب ونسيبه شوية ونخلي القوام سايب شوية عشان احنا عايزينه جوسي ونضع القرنفل في نص البصلة السليمة ونضعها في البشاميل بتنقل طعمه جدا وبعدها نحط ملح وفلفل اسود ورشة جوزة الطيب ولو في ورق لورا حطوا وياخد غلوة كدا بحيث ياخد طعم البصل والقرنفل ونطلع البصلة ونجيب بقي المكرونة ونحط شوية بشاميل ومعلقة مكرونة ونقلب المكرونة ونضع معلقتين بشاميل في الصينية وندهنها بالبشاميل ونضع نصف كمية المكرونة في اسفل الصنيةكنوع من أنواع الروقان نحط شوية موتزريلافوق المرونة  ونضع كمية اللحمة المتعصجة وبعدها نضع باقي المكرونة ونساويها كدا في الصنية ونضع البشاميل نغرقها بالبشاميل وبعدها نحط جبنة موتزريلا ع الوش وده اختياري وبحطها تحت الشواية خمس دقائق لغاية ما تاخد لون وبعدها نولع الفرن لمدة عشر دقائق أو خمستاشر دقيقة والفرن بيكون ع اعلي درجة حرارة تبدأ تبكبك ونشيلها وبس كدا بالف هنا وصحة ع قلبكم 🥰🥰🥰