طريقة الفايش الصعيدي
المكونات
اربع معلق سمسم
٣ كيلو لبن
خمسه كيلو دقيق
خمسه كوب سمنه
كوبين سكر
معلقتين كبار كركم
معلقتين محلب مخلوط ف الخلاط
باكو كيك شيف
برطمان صلصه فاضي
الطريقه
يوضع اربع معلق سمسم ف علبة الصلصه الفاضي نغلي
اللبن لحد ما يوصل لدرجة الغليان احط بسرعه ع السمسم وتقلب لازم يكون اللبن من ع النار علطول ونحط ع السمسم وتقلب لازم ف برطمان زجاج عشان نتابع الخميره من غير ما نفتح عليها نحط تلت تربع البر طمان لبن نحط الغطاء وممكن نجيب كيس بلاستيك نحطه قبل ما نحط الغطاء و نقفل كويس دي اسمها خميرة اللبن نجيب فوطه و نلف البر طمان فيها و نحطها في طبق ونسيبها لتا ني يوم بعد مرور ٢٤ساعه بتلاقي الخميره فصلت يعني بتلاقي السمسم بقا فوق ف البر طمان ومن تحت بقت ميه اللبن يفصل يا جماعه بتبقا الخميره لفوق بتبقا خميره ناجحه بنجيب خمس معلق دقيق نحطها فوق الخميره بنفس برطمان الخميره ويكون ف طبق علشان ما تكبش بره ونقلب خطيه بنفس الغطاء بتاعه و اخليه ساعه بعد الساعه حتلاقي الخميره كبت ف الطبق دلوقتي نجيب كيلو دقيق وشوية ميه دافين نحط الدقيق علي الميه ونقلب لحد ما تبقا عجينه سائله زي عجينة الزلابيه نحط بقا الخميره ونقلب لحد ما تبقا عجينه طريه نرش ع و شها شوية دقيق ونسيبها ساعه او ساعه ونص تخطيها بعد الساعه ح تلاقيها فارت تاني دلوقتي نجيب طبق اللي نعجن فيه واجيب اللبن ننزل بيه ف الطبق اللبن دافي ننزل كوبين سكر ومعلقتين كركم كبار ومعلقتين محلب ننزل بكوبين ونصف من السمنه ورشة ملح ونقلب كويس ندوب السكر كويس بعدين ننزل الخميره ندوب الخميره مع السائل مع اللبن الدافئ والسمنه والسكر اللي عملناه ف الاول ونجيب الاربعه كيلو دقيق ونحط عليه باكو الكيك شيف او البيكنج بودر ونضع فوق الخليط ونقلب ونحط سمنه نقلب ونحط سمنه من كوبين ونصف السمنه اللي باقيه ونقلب كويس و نلم من غير ما نضيف ميه واللبن تاني بس السمنه اللي نعجن بيها بعد ما نخلص عجن نغطيها ونسيبها ساعه ونص او ساعتين لحد ما تخمر وترتفع تملأ الطبق
نقطع الفايش بتاعنا علي هيئة قرص متوسطه لاتكون كبيره ولا صغيره و نحطه علي الساج بتاعنا وطبعا ندهن الصاج سمنه وندهن الايد واحنا نقطع لحد ما نخلص الكميه كلها وخليه يخمر في الصاج ويرتفع بعدين ندخل الفرن ع درجة حراره ٢٠٠ ماتحاوليش تعلي الفرن عن كده عشان ما يتلسعش ويحرق ونسيبه لحد ما ياخد لون ذهبي حيبقا جميل جدا و الريحه حتبقا جميله جدا ويبقى طري خالص معاكي بعدين نقطع القرص بشكل طولي زي الأصابع وندخل ف الفرن يتحمص ناخد بالنا عشان ما يتحرق وممكن لو عايزه تختصري الطريقه تيجي ف التقطيع بدل ما تعمله قرص تيجي تاخدي قطعه صغيره من العجين كوريه بين ايديكي وابدي شكلها علي شكل طولي زي الاصابع وروصيها علي الساج وبين كل اصبع ادهني عشان مايلزقش في بعض لحد ما تعبي ا الصاج سبيه يخمر ودخليه الفرن ياخد لون ذهبي وطلعيه يهدأ شويه ورصيه تاني ف الصاج عشان ينشف و يحمص وبس كده حطيه بقا مع كوب شاي بلبن حدوقي بقا حاجه كده وهم ريحه وطعم مختلف تماما عن باقي المعجنات لوعملتيه مره مش حتبطلي تعمليه من حلاوته
