صنيه بطاطا بالقرع حاجه اختراع👌
في المقال ده حتكلم عن وصفه مختلفه احلا والذ واطعم وافيد حاجه حلوه مش كل الناس تعرفها و اكله سهله و طعمها حلو اوي وحتعجبكو بإذن الله
اول حاجه طريقه تحضير البطاطا:
- نغسل البطاطا جيدا
- نضع البطاطا في حله وع نار متوسطه وممكن نضيف كوب ماء عشان متتحرقش
- نتركها ساعه او ساعتين بكتير علي النار
- ونتأكد باطغط عليها لو طريه تبقي استوت لو ناشفه لسه سيبها ع النار
بعد كده طريقه تحضير القرع:
- نقوم بتقشير القرع بالسكين
- تقطيع القرع مكعبات صغيره الحجم
- نضع القرع المكعبات علي النار ونضع سكر حسب الرغبه
- ونتركه لحد ما يستوي وممكن نحط قرفه بتدي طعم حلو
بعد ما البطاطا والقرع استو معانا حنجيب صنيه بايركس منغير زيت ولا اي حاجه ميزه الوصفه دي انها مبتلزق نهائي ،وبعد كده نحط البطاطا ثم نبدأ نهرسها علي قد ما نقدر ، وبعد كده نجيب القرع ونخلط البطاطا بالقرع كويس
نيجي بقي للخطوه الاخيره حنحط علي وشها من فوق كريم باتيسير:
- نجيب نص كيلو حليب ونضعه في حله علي النار وعلي نار هاديه
- نجيب كوب ماء ونذوب فيه معلقتين نشأ
- نضع النشا علي الحليب
- نقلب جيدا و بستمرار
- ونجيب شويه من مائه القرع ونحطه ع الخليط
- نضع سكر حسب الرغبه و مكسرات حسب الرغبه بردو ومع التقليب المستمر
- اول ما قوامه يتقل حنحط بيضه واحده ونقلب الخليط كويس اوي
حنحط الخليط علي البطاطا والقرع وللتزويق نحط مكسرات ( اختياري) ثم نساويهم في الصنيه البا كويس وندخله الفرن ع درجه حراره متوسطه يدوبك ياخد وش واول ما وشه يحمر نطلعها
احلا والذ حاجه حلوه و مفيده جدا بالهنا والشفا .كلها فوايد وحلوه اوي للأطفال وتنفع اوي للدايت بس لو حطينا سكر دايت، اتمنا تكون المقاله الحلويات
دعائي الفضل الخاتمه لخاتمه المقاله :اللهم اني اسالك خير المسألة وخير الدعاء و خير النجاح و خير العلم و العمل و خير الثواب وخير الحياه وخير الممات وثبتني و ثقل موازيني و حقق إيماني وارفع دراجتي و تقبل صلاتي واغفر خطيئتي وأسألك العلا من الجنة
