طريقه عمل بان كيك
طبعا كل م انزلكم مقال لازم يبقي جديد وحاجه تعجبكم وبطريقه سهله وموفره ومش بتاخد وقت ومضمونه أن طعمها هيكون احلي من اللي بنشتريها من برا
النهارده بقي انا قررت اني انزلكم طريقه عمل ال بان كيك بحشوة الكريمة والشوكولاتة اللي كل م اعملها لحد وياكلها يبقي هيتجنن ويعرف طريقتها ازاي ف أنا النهارده هعرفكم الطريقه والخطوات بالظبط ويارب تعجبكم وتكون سهله وبسيطه بالنسبالكم 😌❤️
المقادير // 2 بيضه + كوبايه ونص لبن + كوبايه سكر+ نص كوبايه زيت+2 معلقه كاكاو+1 معلقه فانيليا +1 معلقه بيكنج بودر+كوبايتين ونص دقيق
يلا بينا بقي نعمل الكريمة// كوبايتين ونص لبن + 2 معلقه دقيق+ 1 معلقه نشا+ نص كوبايه سكر + معلقه فانيليا
يلا نعمل الطريقه بقي بس انا بحب اكتب المقادير والمكونات الاول//:ا
نحط البيض مع السكر ف الخلاط ونضربهم كويس وبعد كدا نحط اللبن والزيت معاهم ونضربهم ف الخلاط معاهم
وهنحط البيكنج بودر والفانيليا والكاكاو والدقيق ونخلطهم مع بعض ولازم نقلبهم كويس اوي عشان يتدمجوا جوا بعض كلهم بطريقه صح وكويسه بعد كدا هتنزل بالخليط بتاعنا اللي ضربناه ف الخلاط عليهم ونقلبهم كويس مع بعض عشان دا كدا البان كيك وهنولع الفرن من تحت بس طبعا ع البان كيك ع نار متوسطه والوش من فوق هيتحمر كمان من سخونيه النار
يلا بقي نعمل الكريمه//
نحط اللبن في بلاستيكه ونحط معاهم الدقيق والنشا والسكر والفانيليا ونقلبهم كويس مع بعض عشان يدخلوا ف بعض وتبقي كريمه وطبعا بنزود اللبن أو بنقلله ع حسب السمك اللي عايزينه للكريمه وبعد كدا بمحطه ف كيس تزين عشان نزين بيه البان كيك لما يطلع من الفرن
هنحط بقي الكريمه على قطع البان كيك ونحط فوقيها تاني واحده تانيه من البان كيك عشان تبقي الكريمه ف النص م بينهم … يعني هناخد قطعه بان كيك ونحط عليها كريمه ونحط فوقيها قطعه بان كيك تاني وكدا هتكون خلصت بس لو عايزين بقي نحط عليها شوكولاته كمان هنجيب شوكولاته سائله ونحطها فوق قطع البان كيك وكدا هيكون جواها كريمه ومن برا شوكلاته وبس كدا نقدر نقدم احلي قطع بان كيك عملناها❤️❤️❤️😌
