طريقه الدجاج الكنتاكى فى البيت زى المطاعم بالضبط
طريقه عمل دجاج كنتاكي في البيت وبأقل التكاليف وكل مكونتها موجوده فى كل بيت نمشي بالخطوات لانه عن تجربه شخصيه والنتيجه تحفه الدجاج الكنتاكي بيحبها الاطفال الوصفه تنفع للدجاج الكامل او الاجنحه حسب الرغبه او المتاح جربتي قبل كده وفشلت معاكي انسى التجربه واعملى التكات الي هنعملها وباذن الله وصفه الدجاج الكنتاكى هتعجبك وتبهر اطفالنا
المقادير:
1_ دجاجه متوسطه الحجم (او كميه الاجنحه المتاحه)
2_ بصل
3_ توابل (زعتر _ ثوم بودر_ ملح ليمون _بصل بودر _زنجبيل_ فلفل اسود_ فلفل ابيض_ ببريكا مدخنه _ بودره مرقه الدجاج _ملح (المتاح من التوابل مش ضرورى يكون كل التوابل متواجده)
4_الغلاف ( بقسماط_ دقيق _ بيضتين وربع كوب حليب) بنحاول نعمل الدجاج الكنتاكي مغذى لاطفالنا
الخطوات:
اول حاجه هنعملها هنغسل الفرخه او الاجنحه كويس بطريقه ( محلول النقع ) عباره عن ماء وملح وسكر مثلا 3لتر ماء عليهم نص كوب ملح وعليهم تلات أربع كوب سكر وبننقعهم فى المحلول بيساعدنا بيشيل اي ريحه ظفاره فى الفراخ وكمان بينهى مشكله الدم بين العضم وبديها قوام طرى ممكن نضيف للمحلول ( ورق لورا او حبهان ممكن عود قرفه حسب الرغبه انا بكتفى بالماء والملح والسكر .
ونقطع الدجاج لاجزاء كل ربع لقطعتين او الاجنحه هنقطعهم قطعتين .
نغلى القليل من الماء ونقطع فيه بصله شرائح ونضع رشه فلفل اسود وعند الغليان نسقط الدجاج لياخذ نص غلوه مش هنسيبه يكمل سواه المرحله دى بنتخلص من فكره ان يكون جوة الدجاج دم وبالعكس مش بتغير فى الطعم بتكون لذيذه ومقرمشه .
هنصفى الدجاج ونجيب بوله كبيره نحط بصله مبشوره وكل التوابل توم بودره وبصل بودره فلفل اسود وفلفل ابيض زعتر وزنجبيل ببريكا مدخنه لو متاحه وبودره مرقه دجاج ملح ليمون وملح حسب الكميه.
نخلط المكونات بالدجاج جيدا علشان فى الخطوه دى الدجاج بياخذ طعم التوابل .
هنعمل طبقه الدجاج الكنتاكي ناخذ قطعه من الدجاج نضعها في الدقيق وبعدها نخلط البيضتين والحليب وشويه فلفل اسود هنطلع من الدقيق للبيض واخيرا للبقسماط (معلومه مهمه هنا كل ما يكون البقسماط حلو هيدينا نتيجه وريحه جمليه زى مطاعم الكنتاكى بالضبط )
هنعمل كل القطع بنفس الطريقه ونحطهم فى الثلاجه ساعه قبل القلى علشان الغلاف الي عملناه يثبت ويدينا نتيجه مضمونه .
عن تجربتى الشخصيه مش لازم زيت غزير لان الدجاج عدى اولا بمرحله محلول النقع وثانيا اخذ نص تسوية هنقلى على نار متوسطه ونقلب على النحيتين وبالف هنا وصحه وعافيه
ادعولى بعد التجربه وبلاش تقلقى من النص سلقه مش هتغير الطعم بالعكس تماما وعن تجربه
