المحشي علي طريقتي

المحشي علي طريقتي

0 reviews

المقادير. 

كرنبايه - كيلو رز  - ٣بصلات وسط - كيلو طماطم -معلقتين صلصه-ربطة شبت وكزبره وخضره 

معلقة ملح -معلقه صغيره فلفل - معلقة صغيره بهارات -معلقة صغيره شطه-توم-سمنه اوزيت حسب الرغبه.

الطريقه. اولا نسلق الكرنب ( نغلي مياة فيها ملح وكمون  ) ونقطعه ونخليه جاهز للحشو

ثانيا نضع الحله علي النار ونحط فيها ٢معلقة سمنه كبيره ونص كوب زيت ونخرط البصل قطع صغيره ونحمرها في السمنه وتاخد لون وسط مش فاتح اوي ومش غامق

ثالثا.نضرب الطماطم في الخلاط ونصفيها 

رابعا.  الطماطم علي البصله المتحمره ونحط عليها التوابل ملح فلفل اسم وبهارا ت وشطه لما تتسبك نجهز الخضره ونقطعها صغيره ونحطها علي الطماطم ونزود معلقتين صلصه نسبها ع النار لغايت متتسبك .

خامسا نغسل الرز ونسيبه يتصفي

سادسا.وصلنا للتركايه بتاعت المحشي نجيب نص راس توم ونحطها في الكبه مع ملح فلفل اسود وبهارات وشطه وتضربيهم كويس وتحطيهم  علي الرز والخلطة بتاعت المحشي وتقلبيهم كويس .

تكوني مجهزه حله للف الحشي ممكن تحمري قطعتين فراخ او لحمه استيك وتحطيها في الحله من تحت وتلفي المحشي بعض الملاحظات عشان المحشي يستوي كويس ومتلقيش مشكله في التسويه ١.لازم يكون في فاصل بين كل صوبع محشي ومتضغطيش علي الرز وانت بتلفيه  .تجهز الشوربه بتاعت المحشي تحطي مرقة دجاج وتحمري فصين توم علي الشوربه ومعلقه من تخديعة  المحشي او معلقة صلصه وتغلي الشوربه كويس ونحطها ع المحشي لغايط قبل الصوبع الاخير وتغطيها بورقة كرنب كبيره من فوق ثم الغطي.

نحطها علي النار الاول عاليه واول ميغلي نوطي النار متوسطه ثم نار هاديه جدا.  

ملحوظه.المحشي من أهم الأكلات المصريه علي السفره وخصوصا في شهر رمضان الكريم وهناك انواع مختلفه من المحشي مثل الكرنب الفلفل الكوسه والباذنجان وغيرهم هو مفضل للجميع بيتعمل مع المحشي الفراخ والبط اللحمه .

واخيرا ممننساش الدعاء في هذه الأيام المباركة ولازم كل ست تعرف ان كل مجهود بتعمله في الأكل في الفطار بتاخد عليه ثواب ولمة العيله حول الفطار ليها طعم تاني نسأل الله أ يتقبل من ومنكم كل الأعمال وبالهناء والشفاء عيكم جميعا يارب 

  

التعليقات ( 0 )
الرجاء تسجيل الدخول لتتمكن من التعليق
مقال بواسطة

المقالات

8

متابعين

9

متابعهم

13

مقالات مشابة