الحمام المحشي فالفرن بدون سلق
اهم شئ في شغف الطبخ اطبخ بقلبك ليس هناك مقادير مقدسه هناك تغيرات ف كل شئ علي حسب الزمان والمكان والموضات المتعارف عليها ف تلك الفتره مانقدمه هو مجرد نصائح فقط لكن عليك المتعه ف الطبخ التي تقودك حتما الي الذ طبق اكل تقدمه الي اسرتك
المقادير -عدد اتنين حمام
كبد او قوانص ولو متوفر لحمه مفرومه
نقوم بتقطيع البصل حلقات صغيره
تجهيز الشربه لو متوفر شربة دجاج
بتحمري اربع فصوص توم
نضع عليهم معلقتين صلصه بنسبكهم نحط عليهم شربه او ماء مع مرقة دجاج المتوفر
التوابل -معلقة صغيره ملح -معلقه صغيره فلفل-معلقه صغيره بهارات -اربع مرقات دجاج-٤ معالق صلصه -معلقه صغيره شطه
الطريقه-اولا- هنسلق الرز نص سلق وحطي علي جنب
ثانيا-٣ بصلات وسط يتم تقطيعهم الي مكعبات صغيريدويا او في الكبه ثم ينقوم بتحمري البصل في زيت او سمنه يخدوا لون دهبي غامق شويه هنحط عليهم الكبد والقوانص الحمام ولو متوفر لحمه مفرومه بنزود معلقتين صلصه ونضع التوابل (الملح - الفلفل-البهارات - الشطه - مرقة الدجاج)ثم نزود كوب من الماء ثم نتركها تغلي علي النار ونوطي عليها علشان تتسبك ثم نخلط التعصيجه مع الرز المستوي نص تسويه مسبقا
ثالثا-بعد التسبيك نضع الزر ع التسبيكه
رابعا-نقوم بحشي الحمام من الصدر ومن جوه ونضعه ني ف الصنيه نضع عليه شربه مغليه(متغطيش الحمام كله بالشربه لحد الجناح فقط)
خامسا-نضعه ف فرن ساخن من خمسين الي سيتين دقيقه مع المتابعه للحمام
سادسا-يخرج من الفرن مستوي ومش مفتوح خالص
ملحوظه -لما ياخد لون من فوق اطفي الشوايه من فوق
- يمكنك الاستفاده بطبق جانبي بجوار الحمام عند خروح الصنيه الحمام من الفرن نضعه في طبق مع التزيينثم نقوم بسلق نص كيلو مكرونه اسباجتيي ونقوم بتصفيت شربة الحمام (الصوص) ونضع شربة الحمام (الصوص )علي المكرونه الاسباجتيي كطبق جانبي وبكده تكوني عملتي طبق جانبي نظرا لرتفاع اسعار الحمام طريقة التقديم _نضع المكرونه الاسباجتيي شربة الحمام (الصوص )ثم نضع فوقها الحمام مع بعض بطاطس الشيبسي لتزيين وبالهناء والشفاء وبكده ميكونش الحمام افتح منينا
