في هذا المقال
(المقدمة)
وفري ودلعي بيتك … 5 أكلات اقتصادية (بتكات زمان)
هتملي سفرتك خير ب 50 جنية بس !
ياأهلا بكل ست بيت شاطرة وعروسة بتجهز لمملكتها الجديدة ! كلنا عارفين إن الأسعار بقت “ نار “ والظروف محتاجة تدبير ، بس الست المصرية الأصيلة والشاطرة هي اللي بتعرف “غزل برجل غزال “ وبتخلي جوزها وعيالها ياكلوا صوابعهم ورا أكلها بميزانية بسيطة ومدروسة . التوفيرمش معناه إننا ناكل أكل مش حلوة ، بالعكس، الأكلات الشعبية والحرشة هي اللي بتفتح النفس وبيجمع العيلة النهاردة مش بس هاقولكم علي ” أسرار نفس" المطبخ الصعيدية والمصري اللي يخلي الأكلة الشعبية البسيطة أحلي من اللحمة والفراخ بكتير.يلا بينا نعرف "الزتونة في توفي الميزانية وإي ازاي تملي بيتك خير بأقل التكاليف:
أولآ : كشري العدس الأصفر ( الأكلة الملكية الموفرة)
العدس الأصفر مع الرز مش مجرد أكلة عادية ده “ بروتين ” الغلابة " اللي طعمة يجنن ومغذي جدآ . عشان يطلع معانا مفلفل مش معجن ، أغسلي الرز والعدس مع بعض وصفية كويس من ميتة وشوحية في الزيت قبل ماتنزلي بالمية المغلية.
التكة الذهبية : حمري بصلة مقرمشة ( ورد ) زي بتاعتة المحلات بالظبط وحطيها علي الوش ، وزيت تحمير البصل ده استخدمية في تشويح الرز والعدس من البداية عشان ياخد ريحة البصل وطعمة في كل حباية.
٩التقديم المظبوط : قدمي جنبة بيض مدحرج في السمنة البلدي ، وشوحية طماطم مخللة بالثوم والخل والكمون والشطة،وهتدعيل علي الطعم والجمال !
ثانيآ : مسقعة “الحريفة” بدون لحمة مفرومة المسقعة بالبذنجان والفلفل هي "سيدة السفرة" المصرية ، وعشان تطلع معاكي خفيفة وصحية ومش شاربة زيت كتير يتعب المعدة.
التكة الذهبية : بعد ماتقطعي الباذنجان مكعبات أو حلقات ، رشي علية رشة ملح وسيبية في مصفاة يصفي المية السوداء تمامآ لمدة نص ساعة قبل القلي ،ده بيخلية مايشربش . ولا نقطة زيت زيادة .
. السر الصعيدي : اعملي صلصة الطماطم بفصين ثوم مفرومين وشوية خل صغيرين ، وبعد ماترصي الباذنجان والفلفل المقلي . حطي الصينية في الفرن تاخد ، وشي "تحمير تحت الشواية لمدة 10 دقائق ، الخطوة دي بتخلي الطعم يتركز . وتبقي زي الزبدة.
ثالثآ : العجة المصرية الأصيلة (صينية السعادة) لما تكون الثلاجة “ بتصفر" والفلوس قليلة ، العجة هي المنقذ الرسمي . شوية بيض ودقيق وخضرة وبصل موجودين في كل بيت ، وهتعملي أحلي صينية تشبع العيلة كلها ببروتين عالي وتوفير خيالي .
التكة الذهبية : ضيفي رشة “بيكنج بودر ” صغيرة مع الدقيق قبل ماتخلطية بالبيض ، الخطوة دي بتخلي العجة تطلع معاكي هشة وعالية زي الكيكة الإسفنجية مش مكتومة ولا معجنة من جوة .
الإضافة المتميزة : قطعي حبت طماطم مكعبات صغيرة جدآ وشوحيهم مع البصل قبل ماتحطي الخضرة والبيض ، بتدي طعم مسكر وجميل جدآ للصينية.
رابعآ : أجنحة الدجاج بصوص "البافلو" الموفرة .
لو نفسك في “زفرة” وميزانيتك مش جايبة فرخة كاملة ، ولا تشغلي بالك ، هاتي كيلو أجنحة دجاج يكون سعرة بسيط جدآ اغسلية كويس جدآ بالليمون وجنزبيل عشان الزفارة ، واقلية أو اشوية في الفرن
التكة الذهبية : أعملي صوص مكون من معلقة صلصة ، معلقة عسل إسود بديل الصويا صوص ، وشوية شطة وخل قلبي الأجنحة المحمرة في الصوص ده ، وهتكوني عملتي أكلة “فنادق” بتكلفة لاتذكر .
تابع جديد نورهان
اختر إشعارات الموقع أو البريد أو الاثنين. الزائر يقدر يشترك ببريده دون تسجيل حساب.
الإبلاغ عن المقال
لو لاحظت مشكلة في المحتوى، أرسلها لفريق المراجعة. لن تظهر بياناتك لكاتب المقال أو للقراء.
تعذّر إرسال البلاغ الآن. حاول مرة أخرى لاحقًا.
سجّل الدخول لإرسال بلاغ
النقاش
التعليقات (0)
فكرة تضيفها، أو سؤال يفتح حوارًا.
الرجاء تسجيل الدخول لتتمكن من التعليق