طريقة عمل مكرونة العشر دقائق

-ايوه بظبط زي ما قريتو في العنوان كده مكرونه العشر دقائق بمكونات سهله وبسيطه وكلها في البيت طريقه من غير خوزعبلات ولا مكونات بيض التنين ولا اي حاجة

-نبدا بسم الله اول حاجه المكونات البسيطه السهله بتاعتها وهي:.

●كيس مكرونه اي نوع حسب ما رغبتهكم

● عدد 3حبات طماطم صغيرين

●عدد3حبات فلفل اخضر و الوان او مكس ما بين الاتنين  

●بصله صغيره

●مرقة دجاج

●التوابل بتاعتنا بقي

●معلقه ملح او اكتر(حسب الرغبه)

●شطه(حسب الرغبه)

●معلقه صغيره كمون

●معلقه صغيره فلفل اسود

●معلقه ببريكا(ولو مافيش مش هتقصر معاكي)

●واخيرا معلقتين كبار صلصه طماطم جاهزه

نبدا بقي علي خيره الله طريقه التحضير وهي كالاتي؛

اول حاجه هنجيب مقلايه(طاسه)  او حله كبيره وهنحط فيها المكرونه نايه بعد كده هنملي الكاتيل بتاعنا او البراد مايه ونسيبو علي النار لحد ما يغلي 

بعد كده هنقطع الطماطم قطع صغيره وهنقطع الفلفل قطع صغيره ونقطع البصله قطع صغيره

بعد كده هنحط المكرونه في الحله او الطاسه بتاعتنا نيه ونضيف عليها الفلفل والطماطم والبصله 

بعد كده هنضيف التوابل بتاعتنا ومرقه الدجاج واخر حاجه هنضيفها معلقتين الصلصه 

بعد كده هنجيب المايه بعد ما غلت علي النار ونضيفها علي المكونات بتاعتنا لحد ما نغطي نص المكرونه ومتبقاش عايمه في المايه نفتح النار علي درجه حراره متوسطه ونقلبها بحيث ان كل المكونات تندمج مع بعض ونغطيها وبعد 10دقائق نفتح ونقلب تاني لحد ما نتاكد ان المكرونه استوت تماما ونقدمها سخنه وبلهنا والشفا 

وطبعا مش هنعملها لوحدها كده تعالي اقولك تعملي جمبها ايه

متاح طبعا عندك تعملي جمبها سدق مقلي او بانيه انهارده انا هقولك طريقه البانيه المقرمشه من غير ما طبقه الخارجيه بتاعتها تقع منك بعد ما تطلعيها من الزيت

اولا نبدا بلمكونات بتاعتنا:

●كيلو بانيه

●بصله متوسطه

●بيضه

●كوب لبن

●معلقه صغيره شطه(حسب الرغبه)

●بابريكا (حسب الرغبه)

●معلقه ملح

●معلقه صغيره فلفل اسود

اولا هنجيب البانيه بتاعنا ونغسلو كويس جدا بلملح والخل وبعد كده هنحطو في التتبيله بتاعتنا يفضل من قبلها بيوم

بعد ما نتبلو هنجيب الفجيتار او الدقيق بس انا بفضل الفيجيتار سواء حار او عادي 

نسخن الزيت في المقلايه بتاعتنا لحد ما يبقي سخن جدا ويفضل تكون مقلايه غويطه او حله

هنجيب البانيه بتاعنا وننزل بيه في الفجيتار او الدقيق منغير ما نصفيه وندوس جامد عليه ب ادينا وهو في الفجيتار او الدقيق بعد كده نحطو تاني في التتبيله بتاعتنا ونطلعو نحطو تاني في الفيجيتار وهاكذا 

لحد ما الكميه كلها تخلص معاكي بعد كده ننزل بيهم في الزيت السخن بتاعنا وياريت يفضل مننزلش بلكمبه كلها او بكذا واحده يفضل اتنين او تلاته فقط عشان ياخدو راحتهم في الزيت ويكون الزيت غويط

بعد كده طلعيها وقدميها مع المكرونه وبلهنا والشفا عليكي 

لو عجبكم المقال متنسوش تتبعوني وتكتبولي كومنتات حلو شبهكم❤

كتب بقلم /اسراء المهدي.