من المطبخ الروسي إلى سفرتك : طريقة عمل بسكوت البريانكي الروسي الهش بخطوات سهلة ومكونات بسيطة

من المطبخ الروسي إلى سفرتك : طريقة عمل بسكوت البريانكي الروسي الهش بخطوات سهلة

 

لو نفسك تجربي حاجة جديدة ولذيذة مع الشاي أو القهوة، جربي بسكوت البريانكي الروسي! ….البسكوت ده من الحلويات المشهورة في روسيا، وطعمه بيجمع بين الهشاشة والمذاق الغني اللي بيخليكِى ترجعي له كل مرة…..أحلى حاجة فيه إنه سهل جدًا ومكوناته بسيطة، كلها موجودة في البيت، ومع كده نتيجته تحفة — بسكوت ناعم من جوه ومقرمش من برّه، ريحته تملي البيت وتفتح النفس…..تعالي نشوف سوا طريقة عمله خطوة بخطوة عشان تطلعي أحلى بريانكي زي بتاع المخابز الروسية بالظبط!

 

المقادير: (تكفى لعمل من 40 ل 50 قطعة بسكوت)

340 جرام  (¾ 2 كوب) دقيق أبيض متعدد الاستعمالات

220 جرام ( 1 كوب + 2 ملعقة كبيرة ) سكر أبيض

220 مللى ( ⅔ كوب ) حليب ساخن

50 جرام ( ½ كوب ) كاكاو باودر خام 

1  بيضة

40 جرام ( 3 ملعقة كبيرة ) زيت نباتى

14 جرام ( 1 معلقة كبيرة ) بيكنج باودر

(½ معلقة صغيرة ) بيكنج صودا (بيكربونات الصوديوم)

( 1 معلقة صغيرة ) قهوة سريعة التحضير (اختيارى)

(½ معلقة صغيرة ) فانيليا

رشة ملح

مقادير الجليز :

150 جرام ( 1 كوب ) سكر باودر أبيض 

¼ كوب حليب

الطريقة:

1  -  فى البداية نضع (¾ كوب) دقيق منخول فقط ونخلطه مع السكر والحليب ونقلبهم جيدا بالمضرب اليدوى حتى يتكون منهم عجينة لينة قريبة من عجينة البان كيك..مع ملاحظة ان يكون الحليب ساخن وليس مغلى…

2  -  انتظر دقائق حتى تبرد العجينة وتهدأ ثم اضيف عليها الزيت واخلطه معاهاحتى يمتزجوا ببعض….

3  -  ثم اقوم بفصل صفار البيضة عن البياض ثم اضيف الصفار فقط على العجينة والفانيليا واقلبهم جيدا بالمضرب اليدوى حتى يمتزج الخليط جيدا…

4  -  ثم اضيف للخليط الكاكاو الخام المنخول وباقى الدقيق المنخول( 2 كوب) والبيكنج صودا والبيكنج باودر ورشة الملح وابدأ بتقليب الخليط بمعلقة او سباتيولا حتى يمتزج جيدا وينتج معى فى النهاية عجينة طرية بتلزق مش ناشفة ولا سائلة…

5  -  فى هذا الوقت اغطى يدي يقليل من الدقيق وأبدأ فى لم العجينة واخراجها من الوعاء على سطح نظيف واقوم بلمها فقط وليس عجنها كثيرا حتى لا تنشف العجينة ويصبح البسكوت طرى…

6  -  ثم نبدأ بفرد العجينة بالنشابة على سطح مرشوش دقيق مع رش سطح العجينة أيضا بقليل من الدقيق لسهولة فردها حتى لا تلزق بالنشابة ثم نبدأ بتقطيعها بالأشكال التى نريدها بالقطاعات…

7  -  ثم اقوم برص وحدات البسكوت فى صينية مفروشة ورق زبدة بحيث يكون هناك مسافة مناسبة بين وحدات البسكوت لان حجمها بيزيد قليلا بعد التسوية..

8  -  يتم ادخال صينية البسكوت لفرن مسخن مسبقا على درجة حرارة 180 درجة فى الرف الوسطانى لمدة 10 دقائق …ثم اختبر تسويته بادخال عود خشبى فى وحدة البسكوت واذا خرج نظيف يكون دليل على تمام التسوية..

9  -  اقوم باخرج البسكوت من الفرن وتركه يبرد تماما…وفى هذا الوقت اقوم بعمل الجليز لتغليف وحدات البسكوت به…

10  -  ولتحضير الجليز اضع فى وعاء نظيف السكر الباودر واضيف عليه الحليب تدريجيا مع التقليب حتى الوصول لقوام متجانس وسط غير خفيف ولا ثقيل…

11  -  ثم اقوم بتغليف وحدات البسكوت بالجليز ووضعها على سلك او ورق زبدة حتى ينشف عليها ويكون طبقة شفافة عليها…وبألف هنا :)

 

يا ريت تجربوا الوصفة متأكدة إن شاء الله هتعجبكوا…وللسؤال عن اى تفاصيل اكتبولى فى الكومنتات :)