بيتزا ووصفة عجينة ناجحة 👍

حاولتي كتير تابعتي كتير وصفات عجينة ومانفعت معاكي حاولتي تعملي عجينة وفشلت انا جبت لك احسن وصفة ناجحة عن تجربة شخصية لعجينة تناسب كل المعجنات اللي تحبي تعمليها 

فطاير لحمة 

سمبوسة بيتي  

بيتزا كل الانواع 

فطاير جبنة 

فطاير محشية جبنة او زعتر  فطاير حلوة بالمربى او الشوكلاتة وصفة ناجحة مية مية عن تجربة شخصية واهم شي نفس المقادير والمقادير لاي عجينة سهلة وبسيطة اول حاجة نبتدي وصفة العجينة المهمة وبعدها فكري عايزاها حلوة ولا مالحة يلا نبدأ👍

اول حاجة حتختاري مقاس كباية ثابت نفسها تستخدميها لكل المقادير ولو عندك نفس الكباية كم واحدة او من طقم كويس جدا 

اول حاجة حتجيب وعاء كبير او كورة 🥣ونعمل فيها ٢كوب ماء دافي وعليها نفس الكباية المستخدمة في كل مرة او زيها من نفس الطقم مكررة بعد ٢كوب ماء دافي عليه نص كوب زيت زيتون وعليهم ظرف خميرة صغير او ٢ملعقة كبيرة خميرة بودرة وملعقة صغيرة سكر وتقلبيهم مع بعض وتخليها ٥دقايق لحد ماتظهر الخميرة شوية متفاعلة على سطح المياه فقط اتركيها ٥دقايق او ٧دقايق في الوقت ده تعملي ايه🤔

على طول حتجيبي وعاء تان تعملي في 5كباية دقيق منخول بنفس حجم الكباية السابقة يعني اي دقيق منخول ؟

يعني دقيق عادي بس حتنخلي عندك في البيت حتى لو بمصفى ناعم عندك كبير او وسط موجود عشان يبقى خالي من اي شوائب وكتل او اي حاجة ابقى جامدة المهم بعد ما انتي نخلتي الدقيق تشوفي وعاء الخميرة والماء وزيت الزيتون والسكر حسيتي الخميرة او كلهم ظاهر انهم اتفاعلو مش زي ماخليته قبل ٥دقايق معناه تمام حتضيفي الدقيق المنخول بالتدريج وتعجني بايديك لو العجينة بتلزق في يدك بعد ماعجنتي كامل العجين معناه ترشي دقيق كل ماتعجني وحتلاظي انها تتماسك بعد كدة على حسب رغبتك مستعجلة خليها نص ساعة وغطيها واذا غير مستعجلة خليها ساعة في الوقت الطويل ده للانتظار ممكن تستغلي الوقت بعمل الخلطة او الحاجة الحتحشيها فيها لو عايزة فطاير مثلا لحمة مفرومة متبلة او جبنة او خلطة خضار اللي تحبيه واذا عايزة تعمليها بيتزا ابشري الجبن او لو جاهز خلي على جنب قطعي الفلفل والزيتون ولو عايزة طماطم وحلقات بصل اللي يعجبك بذوقك 

واكلمك على حاجة ممكن تخلي طعم العجينة حلو بالنسبة للبيتزا والفطاير تضيفي ملح بسيط وممكن تضيفي على الدقيق قبل تنخلي بودرة ثوم او بودرة بصل او بودرة بابريكا وبالهنا والشفا عليكي بالنسبة لوصفة البيتزا كتبت مقادير العجينة وبعدها كله بسيط تجهزي الجبنة والزيتوًن واي حاجة بتحبيها في البيتزا وتفتحي الفرن اللي تحت بس فرن الكهرباء ٣٥٠مدة ٢٠دقيقة بس

فرن الغاز ١٨٠وكمان ٢٠دقيقة بس 

وملاحظة اخيرة العجينة دي درجتها ووقتها واحد في اي حاجة عملتيها بيتزا فطاير سمبوسة بيتي كله تزبطي على نفس الحرارة والوقت المكتوب على حسب نوع الفرن وصحة وهنا عليكم 🍕