يلا بينا لعشاق المانجا الطرق كيكة المانجو بالكريمة 🧡 و تشيز مانجو 🧡 و كريب المانجو بالكريمة 🧡

يلا بينا لعشاق المانجا ثلاث طرق لعمل المنحه بأشكال مختلفه 

الطرق كيكة المانجو بالكريمة 🧡 و تشيز مانجو 🧡 و كريب المانجو بالكريمة 🧡

كيكة المانجو بالكريمة 🧡

المقادير:

الكيك:
• 500 جم دقيق اسبونج فانيليا جاهز
• 6 بيضات بدرجة حرارة الغرفة
• 1 ملعقة صغيرة فانيليا
• نصف كوب مية
• 1 ملعقة صغيرة محسن جيل للكيك

الكريمة:
• 2 كوب كريم شانتيه بودرة
• 1 ونصف كوب مية أو حليب مثلج
• 2 ملعقة كبيرة بودرة باستري
• 1 ملعقة كبيرة بودرة آيس كريم فانيليا
• نصف كوب سكر بودرة (اختياري حسب نوع الشانتيه)

الحشو والتزيين:
• مكعبات مانجو طازة
• شرائح مانجو للتزيين
• كريم شانتيه مخفوق

طريقة التحضير:
1. في بولة، نضرب البيض مع الفانيليا بالمضرب الكهربا أو العجان لمدة 10 دقايق لحد ما لونه يفتح.
2. نضيف المية، وبعدها خليط الدقيق ومحسن الجيل ونكمل خفق 15 لـ 20 دقيقة لحد ما القوام يبقى كريمي وهوايي.
3. نصب الخليط في صينية مقاس 24 مبطنة بورق زبدة وندخلها فرن سخن على 180 درجة لمدة 45 دقيقة.
4. بعد التسوية، نسيب الكيك جوا الفرن المطفى 15 دقيقة، بعدين نطلعه ونسيبه يبرد ونلفه ببلاستيك ونحطه في التلاجة ليلة كاملة.
5. لتحضير الكريمة، نخلط بودرة الشانتيه مع الباستري وآيس كريم الفانيليا والسكر، ونضيف المية المثلجة ونخفق لحد ما القوام يبقى ناعم ومتماسك.
6. نقطع الكيك لطبقتين أو 3 حسب السمك، ونسقيهم شربات خفيف بارد أو جيلي مانجو متدوب في كوبين مية.
7. نفرد طبقة كريمة، ونوزع مكعبات المانجو ونكرر الخطوات.
8. نغلف التورتة كلها بالكريمة ونسويها كويس.
9. نزين الحواف بكيس الحلواني، ونملا النص بقطع أو شرائح مانجو طازة.

بالهنا والشفا ♥️

الطريقه الثانيه 🫰 👇 😍 

تشيز مانجو 🧡

المقادير:

• 150 جرام بسكوت سادة مطحون

• 80 جرام زبدة سايحة

• 250 جرام جبنة كريمي بحرارة الغرفة

• 1 كوب كريمة خفق سائلة باردة

• 1/3 كوب سكر بودرة

• 1 كوب مانجو طازة مهروسة (أو عصير مانجو طبيعي مركز)

• 2 ملعقة كبيرة جيلاتين مذوب في 1/4 كوب ماء دافئ

• 1 كوب قطع مانجو صغيرة للتزيين

• 1 كوب صوص مانجو للتغطية (مهروس مانجو + ملعقة سكر + ملعقة صغيرة نشا على النار حتى يتماسك)

طريقة التحضير:

 1. نخلط البسكوت المطحون مع الزبدة ونسويه في قاع قالب التشيز كيك ونضغطه كويس.

 2. نخلط الجبنة الكريمي مع السكر البودرة لحد ما تبقى ناعمة وخفيفة.

 3. نضيف الكريمة ونخفق لحد ما القوام يبقى كريمي وهش.

 4. نضيف مهروس المانجو ونقلب كويس لحد ما يمتزج تمامًا.

 5. نضيف الجيلاتين المذوب ونقلب بسرعة عشان يتوزع.

 6. نصب الخليط فوق طبقة البسكوت ونساوي السطح.

 7. ندخل القالب التلاجة 4 ساعات أو أكتر لحد ما يتماسك.

 8. نصب صوص المانجو على الوجه ونوزع قطع المانجو للتزيين.

 9. نرجع القالب التلاجة ساعة كمان قبل التقديم.

بالهنا والشفا ♥️

الطريقه الثالثه 👇 🫰 😍 

كريب المانجو بالكريمة 🧡

المقادير:

للعجينة:

 • 1 كوب حليب بدرجة حرارة الغرفة

 • ⅓ كوب دقيق أبيض

 • 1 ونص ملعقة كبيرة نشا ذرة

 • رشة ملح صغيرة

 • 1 ملعقة كبيرة سكر

 • 1 ملعقة كبيرة زبدة سايحة

 • 1 ملعقة صغيرة فانيليا

 • (اختياري للون) نقطة لون طعام أصفر/برتقالي أو اقل من ربع ملعقة صغيرة كركم 

للحشو:

 • 1 كوب كريمة خفق (سايقة ومبردة)

 • نص ملعقة كبيرة سكر بودرة

 • 1 ملعقة صغيرة فانيليا

 • 2 مانجو حلوة مقطعة مستطيلات

 • سكر بودرة للتزيين (اختياري)

طريقة التحضير:

 1. في بولة، اخلطي الحليب مع الزبدة السايحة والفانيليا والسكر ورشة الملح كويس جدًا.

 2. ضيفي الدقيق والنشا بالتدريج مع التقليب بالمضرب اليدوي لحد ما الخليط يبقى ناعم.

 3. لو حابة لون أصفر، حطي ربع معلقة كركم أو نقطة لون طعام وقلبي. متكترّيش كركم عشان الطعم مايبانش.

 4. صفي الخليط بمصفاة عشان مايبقاش فيه أي كتل، وسيبيه يرتاح 10 دقايق.

 5. سخني طاسة تفال على نار هادية وادهنيها مسحة خفيفة زيت أو زبدة.

 6. صبي ربع كوب من الخليط وحركي الطاسة بسرعة لحد ما يغطي القاع ويبقى دايرة رفيعة.

 7. سيبيه 3-4 دقايق على نار هادية لحد ما يستوي، مش لازم يتقلب. كرري لحد ما تخلصي العجين وسيبيه يبرد.

 8. في بولة، اخفقي الكريمة مع السكر والفانيليا لحد ما تبقى متماسكة.

 9. على كل قطعة كريب، حطي ربع كوب كريمة في النص، وحطي قطعة مانجو، ولفي الأطراف لجوه وبعدين لفيه رول لحد ما يقفل. اضغطي برفق عشان ياخد شكل مستطيل.

 10. دخليه التلاجة 20 دقيقة على الأقل عشان يمسك نفسه.

 11. قدميه كامل أو مقطوع نصفين، ورشي سكر بودرة لو حابة.

بالهنا والشفا ♥️