٨ وصفات لو انت لسه متجوزه او على وش جواز"جلاش/بيتزا/كبده/كنتاكي/فاهيتا/بطاطس"
٨ وصفات لو محتاره كل يوم تعملى ايه “جلاش/بيتزا/كبده/كنتاكي/فاهيتا/بطاطس”
١/جيبالكم انهاردة الجلاش في الفرن
طعمه يجنن -
الطريقة : بيضين وكوب لبن ومعلقين كريمه وزبدة ومعلقة بيكنج بودر وفلفل اسمر وملح ومعلقة صلصة علشان تديني اللون الاحمر ونضرب الخليط ده مع بعض لان هنستخدمه ف الاخر نحضر صينية وندهنها زيت ونرص رول الجلاش المحشي عصاج أو محشي بسطرمه وجبنه وزيتون زي ما انا عملته وبعد ما نرصهم ونسكب عليهم خليط اللبن بالبيض ولما يستوي خالص وبرش عليهم موتزاريلا ع الوش وادخلها الفرن تسيح علشان يديني الشكل النهائي .
و بالف هنا
٢/كبده اسكندراني
المكونات:
نص كيلو كبده
10 فصوص توم مفرومين
3 معالق خل كبيره
كسبره وكمون وملح وشطه لو حابين
فلفل اخضر متقطع
عصير الليمون
طريقة التحضير:
هنتبل الكبده نحط عليها الخل والتوم والكسبره والكمون والملح ونقلبها ونسيبها مش اقل من ربع ساعه
ف طاسه تيفال نحط زيت كتير ونسيبه يسخن عشان لما الكبده
تنزل تحتفظ بقوامها متتهريش.
منقلبهاش كتير عشان متتهريش دقيقتين كدا ونقلبها ونسيبها
خمس دقايق الكبده اصلا مبتاخدش وقت ع النار عشان متشدش ف الاكل.
بعد كدا ننزل بالفلفل المتقطع وندوقها ونظبط ملحها وشويه ونطفي عليها بس
٣/بطاطس بالمشروم
المقادير:
كيلو بطاطس مقشرة ومقطعة مكعبات كوب الا ربع دقيق ملح وفلفل حسب الرغبة الحشوة المشروم ربع كيلو مشروم مقطع ناعم بصلة متوسطة مفرومة ناعم 2 فص ثوم مفروم ناعم معلقة كبيرة شبت مفروم فرم خشناً معلقة كبيرة زيت 2 معلقة كبيرة عصير ليمون ملح وفلفل حسب الرغبة رشة شطة
طريقة التحضير:
- نضيف البطاطس المقطعة في طاسة كبيرة ونغطيها بالماء. - نسيبها تغلي ونخفف النار ونسيبها على نار خفيفة لحد ما تستوي
حوالي 20-30 دقيقة. صفيها واهرسيها وتبليها بالملح والفلفل وخليها تبرد أثناء عمل
الحشوة:
سخني معلقة كبيرة زيت في طاسة وشوحي البصل لمدة 5 دقائق. - ضيفي الثوم والمشروم وعصير الليمون والشطة وتبلي بالملح والفلفل حسب الرغبة.
سويه لمدة ربع تقريبا أو لحد ما المشروم يبقى طري ومعظم السائل يتبخر ارفعيه عن النار وضيفي الشبت المفروم.
- اخلطي الدقيق مع البطاطس المهروسة وابدأي في التشكيل: خدي كام معلقة كبيرة من العجين وافرديهم شرائح مسطحة.
ضيفي حوالي معلقة كبيرة من مزيج المشروم في المنتصف
وحطي المزيد من مزيج البطاطس وشكليها على شكل قرص صغير.
ضيفي شوية زيت في طاسة على نار عالية وبمجرد ما يسخن
الزيت ضيفي اقراص البطاطس وسويها على كل وش لمدة دقيقتين او لحد ما تاخد لون ذهبي
وبالهنا والشفا 😋
٤/فاهيتا الدجاج
الطريقة:
صدور دجاج مقطع شرايح بالطول ننقعها في التتبيلة زبادي / عصير ليمون / زيت زيتون / خل / بهارات فاهيتا / ملح وفلفل / بابريكا مدخنة ) ونسيبها في التتبيلة اقل شي ساعتين ويفضل ليلة كاملة في مقلاة علي النار فيها معلقة زبدة نشرح شرايح فلفل اخضر وفلفل الوان وشرايح بصل لين ما يدبلوا ونضيف قطع الدجاج لين ما يستوى وبالف هنا
٥/فطائر البطاطس
المقادير:
3 حبة بطاطس مسلوقه
بصلة مفرومة
بيضتين
ربع كوب دقيق
كوب حليب
معلقة كبيرة زبدة
رشة ملح
رشة كمون
رشة فلفل اسود
زيت للتسويه
الخطوات
- نسلق البطاطس بالطريقه التقليديه ونسيبها تبرد ونقشرها ونحطها في طبق ونهرسها باستخدام شوكة لحد ما تبقي ناعمه
- نضيف البصل المفروم للبطاطس ونقلب كويس لحد ما البصل يتجانس مع البطاطس - نضيف البيض والحليب والدقيق والزبدة ونقلب ونخلط كل المكونات مع بعضها كويس وننزل برشة الملح والفلفل الاسود والكمون ونستمر في التقليب. -
نحضر طاسه وندهنها زيت بسيط ونسيبها علي النار تسخن وناخد معلقتين من الخليط ونشكله بأيدينا على شكل قرص صغير ونحطه في الطاسه لحد ما يستوي اول وش ياخد اللون الذهبي ونقلب علي الوش التاني
٦/فراخ كنتاكي
طريقه الكنتاكي
المرحله الأولى:
محلول النقع:
2 دجاجة (فرخ) وزن الكيلو، مقطعة إلى 8 قطع
ماء
نص كوب خل
2 معلقه كبيره سكر
2 معلقه كبيره ملح
عصير نص ليمونه
المرحله الثانيه:
لبن رايب ) وممكن حليب أو ماء الأفضل لبن رايب
معلقه صغيره خل
البهارات
معلقه كبيره من ) بهارات فراخ / بابريكا / كركم / توم بودر / بصل بودر زنجيبل / فلفل أبيض / كسبره ناشفه / ملح / زعتر )
المرحله الثالثه:
دقيق ( طحين للتغليف ومعلقه صغيره فانيليا بدون سكر
وممكن نص معلقه صغيره فانيليا عاديه
دقيق ذره أصفر
نص بهارات المرحله الثانية
الطريقه
ننقع قطع الفراخ فى المرحله الأولى ونعمل فتحات بالسكينه في كل قطعه ونسيبها على الأقل ساعتين ونطلعها نغسلها ونصفيها كويس
وفى بوله نضيف مكونات المرحله الثانيه ونقبلها كويس ونضيف
فيها قطع الفراخ ونغطيها وندخلها التلاجه ليله كامله ونطلعها ونحضر المرحله التالته
في بوله نضيف الدقيق ودقيق الذره والفانيليا ونص البهارات ونقلبهم ونطلع أربع قطع من التتبيله ونحطهم في الدقيق ونقلب بخفه من غير ما نضغط حوالى دقيقه ونحطهم في طبق فيه ميه ثواني ونطلعهم على الدقيق ونقلب بخفه لمده دقيقه لما يتكون الكفر
ونقلى في زيت كتيييير ويكون سخن ونقلي في حله افضل بتاخد حوالى 15 دقيقه عل ما تكون استوت كويس
٧/بيتزا سي فود
المقادير:
2 كوب دقيق
ربع كوب حليب بودرة
ثلث كوب زيت
ماء دافي للعجن
معلقة صغيرة خميرة فورية
معلقة كبيرة سكر
نصف معلقة صغيرة ملح
الحشو
2 معلقة كبيرة زيت زيتون
بصلة مقطعة مكعبات
معلقة كبيرة جرام ثوم قطع
300 جرام سي فو مشكل
معلقة كبيرة بشر ليمون
2 معلقة كبيرة خل
ملح وفلفل اسود وكمون حسب الذوق شرائح طماطم) و فلفل ألوان و ليمون
زيتون
جبنة موتزاريلا
طريقة التحضير:
- نخلط المكونات الجافة كويس وبعدين نضيف الزيت ونخلطهم مع بعض كويس وبعدين نضيف الماء الدافي بالتدريج ونعجن كويس لحد ما العجينة تلم معانا وندهنها زيت بسيط ونغطيها نسيبها تخمر في مكان دافي لمدة ساعة.
في طاسة على النار فيها زيت زيتون نشوح البصل ونقلبهم لحد ما يدبل ونضيف الثوم ونقلبهم كويس اوي ونضيف السي فود وبشر الليمون وعصير الليمون ونتبلها ملح وكمون ونقلبهم لحد ما السي فود يستوي. نرش شوية دقيق على الرخامة وهنفرد العجينة عليها بالنشابة.
نسخن الفرن على درجة حرارة عالية وندهن الصينية بالزيت ونرش عليها دقيق بسيط ونحط فيها العجينة اللي فردناها ونسيبها 10 دقايق تستريح وبعدين نضغط عليها بإيدينا ونعملها حواف من الأطراف.
- نضغط على العجينة بأطراف الأصابع وبعدين نخرمها بالشوكة ونفرد معلقة صلصة ونرش عليها جبنه موتزاريلا ونفرد عليها حشو الجمبري ونرص عليه شرائح الطماطم والفلفل والليمون ونرش على الوش جبنة موتزاريلا. ندخلها الفرن على درجة حرارة 250 لمدة 25 دقيقة ولما تبرد نقطعها ونقدمها
٨/صينية السمك في الفرن وجمالها
- اغسلي قطع السمك بالدقيق والماء . ثم ضعيها في طبق عميق واعصري ليمونة كبيرة . أضيفي الملح والفلفل الأسود والكزبرة، أو إكليل الجبل (الروز ماري لإعطاء نكهة اسكبي زيت الزيتون وقلبي الشرائح ثم اتركيها لتمتص النكهة لمدة ساعتين. سخني الفرن، وأحضري صينية ورصي فوقها شرائح البصل والليمون ثم شرائح السمك واسكبي عليها عصير الطماطم بالليمون والثوم اشويها في الفرن لفترة عشر دقائق قدميها ساخنة مع بعض السلطات الجانبي يارب تكون عجبتكم بالف هنا
وبالهناء والشفاء 😋😘
