اكلات سهله وسريعه لرمضان 3

الوصفة الاولى 

المكونات:
العجينة:
4 اكواب دقيق منخول 
1 ملعقة كبيرة خميرة
2 ملعقة كبيرة سكر 
1 كوب حليب دافئ
¾ كوب لبن زبادي بحرارة الغرفة
½ نصف كوب زيت نباتي 
3 معالق كبيرة بقدونس 
2 ملعقة كبيرة زعتر
1 ملعقة صغيرة سماق
½ ملعقة صغيرة نعناع مجفف
½ ملعقة صغيرة فلفل اسود
ضرف بيكنغ باودر
ورشة ملح

في وعاء نخلط جميع المكونات الجافة مع بعض عدا البقدونس والملح بعدها نضيف عليهم الحليب الدافئ البن والزيت والبقدونس ورشة الملح نخلط كل المكونات مع بعض بعدها نمسح ايدينه بشوية زيت ونبلش نعجن بأيدنه لحد متشكل عدنه عجينه متماسكة ولينة وبتجنن نغطيها ونتركها تختمر مدة ساعة

مكونات الحشوة 
2 بصل مفروم ناعم 
3 بطاطس مقطعة مكعبات صغيرة
4 جزر مكعبات صغيرة 
1 فليفله خضرة
1 فليفله حمره 
1 فليفله صفره وممكن تضيفوا نوع واحد من الفليفله حسب رغبتكم
3 ثوم مهروس ناعم 
ملح وزيت زيتون وبهارات حسب الرغبة
نخلي كل المكونات مع بعض ونخليهن على النار مع رشة ملح وشوية زيت زيتون على نار عاليه أول شي بعدها بنصي النار ونخليهن لحد ما يستوا بأخر مرحله قبل منطفي النار بشوية نضيف البهارات أنا ضفت فلفل اسود كاري كمون وبابريكا وبعدها بس تستوي بنطفي النار عليهم
بعد ما العجينة تخمر ناخذها نفرغ كل الهوى من العجينة ونشكلها كرات متوسطة الحجم نفرد العجينة بالايد على شكل مربع او مستطيل صغير نضيف الحشوة جواتها وتقدروا تحطو مع الحشوة جبن موزريلا كمان بينطي طعم كتير طيب وممكن تستغنوا عنو ونسكر العجينة من الأطراف بنجيب الطرف الأول على الطرف الثاني ونسكرها كتير منيح ونقلبها على الوجه وبنخليها بالصينيه المغلفه بورق زبدة واذا ما عدكم ورق زبدة تقدروا بس تدهنوا الصينيه بالزيت 
قبل مندخلها للفرن ندهن وجهه بصفار بيضه وعليه ملعقه حليب وندهن بيها وجه العجينه بنرش عليها شوية سمسم وندخلها للفرن درجه حرارة 200 مده ربع ساعه او لحد متستوي العجينه 
والف عافيه🤍✨

الوصفة الثانية

المكونات: 
خبز تورتيلا أو خبز الشاورما 
لبن 
كورن فليكس

نغمس خبز التورتيلا بالبن بعدها بالكورن فليكس بعدها انشفها بالفرن على شكل اقواس لحد ما الخبز ينشف وياخذ شكل قوس بعدها اطلعها من الفرن واخلي بداخلها الحشوة المستوية مش نيه نتبهوا 
الحشوة حسب الرغبة 
فيكي تستخدمي دجاج مقطع مكعبات فيكي تستخدمي خضار اخلي الحشوة بداخلها واخلي خس كمان وبعدها أرش عليها صوص اي نوع صوص تحبوه انا خليت صوص الثوميه
والف عافيه 🤍✨

الوصفة الثالثة

المكونات:
5 بطاطة كبيرة
3 معالق زبدة
3 معالق حليب 
ملح فلفل اسود

للحشوة:
دجاج 
بصلة واحدة كبيرة 
فلفل الوان حسب الرغبة

نقشر البطاطه ونقطعها الي قطع كبيره نغلي ماء على النار ونضيف عليها البطاطه ورشه ملح لحد متنسلق البطاطه بعدها نصفيها من الماء ونهرس البطاطه كتير منيح مع الزبده والحليب ورشه ملح ورشه فلفل اسود وبنعجنها لحد متصير عجينه لينه نخليها بقالب وبنعدلها كتير منيح 
الحشوة نحمس بصلة مقطعة مكعبات بعدها نضيف الدجاج مقطع مكعبات ونحمسه ونضيف البهارات ملح فلفل اسود كاري كمون بابريكا ونضيف الفلفل الالوان مقطع مكعبات بعد مايستوي الدجاج نطفي ونضيفه فوق البطاطة وبعدها نضيف عليهن جبن موزريلا وبندخلها الفرن شي ربع ساعه وبنطلعه
والف عافيه 🤍✨