المكرونة بالبشاميل زي المطاعم سر الوش الذهبي والمطه الجوسي اللي الكل هيسئلك عنها
تقييم 0 من 5.
0 المراجعات
قلمك وورقتك وركزي معايا في المقادير يا ست الكل
لو هتعملي كيلو مكرونه اولا هاتي المكرونه قلم وسط ما تجيبيش الكبيره
وميه عشان السقلق
نص معلقه صغيره ملح
الحشو
هنحتاج نص كيلو لحمه مفرومه
بصلتين صفر وسط
معلقتين زيت
كوبايتين من عصير الطماطم
معلقه صلصه بيوريه
نص معلقه صغيره سكر علشان الحموضه
وهتحطي بقى توابل ملح وفلفل اسود ورشة قرفه وبهارات لحمه
البشاميل
هتحضري لتر لبن
اربع معالق كبار دقيق
كوبايه شوربه
معلقتين زيت على معلقه سمنه حته زبده صغيره
عايزه تحطي كريمه طهي حطي
مكعب مرقه ملح فلفل ابيض او فلفل اسود مش هيقول لا ربع معلقه صغيره جوزة الطيب
ندخل بقى في الطريقه عشان طولت عليكم
اول حاجه صلي على النبي وادعميني برايك في تعليقات للعلم دي اول مره اكتب مقال
هتكوني محضره ميه مغليه فيها ربع معلقه ملح ننزل بالمكرونه نسلقها نص سلقه عشان بتكمل سواها في الفرن سلقنا المكرونه هنطلعها تصفي كويس مش هنحط عليها زيت ودي تركايه مهمه جدا طبعا هنحط عليها مغرفه بشاميل عشان تفضل معايا مفرفره وما تلزقش بعد كده هتجيبي بصلتين تقطعيهم تقطيعه خفيفه خالص مع معلقتين الزيت وتدبلي البصله وننزل عليها باللحمه المفرومه نخلي اللحمه تقلب لونها وننزل بملح وفلفل اسود وبهارات اللحمه ورشه القرفه الصغيره ننزل بكوبايتين عصير طماطم معلقه من الصلصه البيوريه ربع معلقه سكر عشان تكسر معايا حموضه الطماطم ونقفل عليها ونسيبها تتسبك مع بعضها بعد كده حله فيها معلقتين زيت مكعب زبده ومعلقه سمنه واربع معالق دقيق نصفر الدقيق ما نحرقوش عشان ما يمررش معانا وننزل عليها بكوبايه شوربه لتر اللبن وعلى الهادي يا زبادي لحد ما يتقل معانا بعد كده نحط الملح الفلفل الاسود ولو عندك فلفل ابيض يبقى احسن نص مكعب مرقه وايدي شغاله تقليب علشان ما يكلكعش ولو عندك كريمة الطهي هتبقى حاجه ولا يا ولا اول ما نوصل للقوام الوسط ولا خفيف ولا تقيل نقفل عليها بعد كده الطاجن بتاعك رشه بشاميل تحت في الطاجن والمكرونه احنا كنا حاطين عليها بشاميل نقوم رصينها تحت نص الكميه بعد كده ننزل بالعصاج بتاعنا وشويه بشر موتزاريلا بعد كده ننزل بباقي كميه المكرونه ونغرق الوش بشاميل لو انت عايزاها جوسي وعلى وش بقى ننزل بشويه بشرب موتزاريلا كمان وتوصي بالله عليك هتبقى تحفه وتدخليها الفرن في النص عشان كده كده كل حاجه مستويه هنشغل من تحت ولما احس انها بدات تبقبق والجبنه من فوق بدات تسيح نقيد عليها الشوايه ونفتح من فوق تاخد اللون المحمر التحفه اللي احنا عايزينه وبعد كده نطفي عليها ونسيبها بتبرد خالص ونقطعها بلاش نقطعها وهيا سخنه والف هنا على قلبك يا روح قلبي واتمني في النهايه اكون سهلت عليكي الطريقه وان شاء الله تعمليها وتطلع تحفه معاكي
الرجاء تسجيل الدخول لتتمكن من التعليق