طريقة عمل أحلي وأشهي صينية بسبوسة رمضان
جربتي تعمل بسبوسة كتير وفشلت منك أو مطلعتش ذي ما إنتي عيزاها !😥
رمضان خلاص علي الأبواب والعزومات هتكتر وحبايبنا أكتر وأكتر يبقي لازم نقدملهم أحلي طبق حلويات يكون طعمه شهي، فمش هيكون في أسهل من إنك تعملي أحلي صينية بسبوسة علي طريقة أمهاتنا ومن غير أي افتكاسات بأسهل طريقة ومن غير حوارات ولا تضييع وقت ،يلا بينا نشوف
المقاديير(للبسبوسة) :-
- كيس بسبوسة (سميد)
- ملعقتين كبار دقيق(طحين)
- كيس بيكينج باودر
- علبة زبادي
- كباية زبدة أو سمنة سايحة
(للشربات):-
- كوب ونصف سكر
- كوب ماء
- ملعقة كبيرة عصير ليمون
- كيس فانيليا
تعالو الأول نبدا بعمل الشربات عشان نسيبه يبرد لغاية ما نعمل البسبوسة
طريقة التحضير
١-في حلة صغيرة نضع الكوب ونصف سكر عليه كوب من الماء ويفضل الماء البارد ونقم بتقليبهم معا قبل وضعهمها علي النار حتي لا تتكون حبيبات علي السطح .
٢-علي نار هادئة نضع الحلة ونتركها حتي تبدأ في الغليان والوصول إلي القوام الذي نريده ويفضل يكون القوام هنا خفيف.
٣-نقم بإضافة عصير الليمون ،وكيس الفانيليا ،كما يمكنك هنا إضافة عود من القرفة إن كنت ترغبين في ذلك .
٤-نترك الخليط يغلي ٥ دقائق ثم نقم بغلق النار وبكدة الشربات جاهز معانا بس هنسيبه يبرد لغاية ما نعمل البسبوسة .
نشوف بقي هنعمل البسبوسة ازاي
١- في بولة سنقوم بتفريغ محتويات كيس البسبوسة، ٢معلقة كبيرة من الدقيق (الطحين)،كيس بيكينج باودر ،كوب السمن وعلبة الزبادي
٢-نقوم بتقليب الخليط باليد بشكل خفيف حتي لا تتحول الي عجين .
٣-نقوم بإضافة الخليط الي صينية تكون مدهونة مسبقا بالسمن أو الزبد .
٤-توضع الصينية في فر ن علي ١٨٠ إلي ٢٠٠ درجة مئوية لمدة من ٢٠ إلي ٣٠دقيقة .
٥-عندما يصل لونها للون الذهبي ،فهي تصبح جاهزة .
٦_نقوم بإخراج الصينية من الفرن ،ثم إضافة الشربات علي حسب الرغبة إذا كنتي بتحبيها حلوة أوي أو مظبوطة.
٧-كده البسبوسة أصبحت جاهزة للأكل ومش محتاجة أي حاجة ،بس هنغطيها شوية تبرد وعشان تبقي طرية معانا متنشفش،وكده ذي الفل، ممكن كمان تضيفي المكسرات لو حابة علي الوش عشان تديكي منظر حلو ،وبس كدة بالهنا والشفا علي قلوبكم.
ندخل علي الرواني بعد كده ودي حاجة بين الكيكة و البسبوسة :-
المكونات :-
- نصف كيس بسبوسة
- كوب دقيق
- علبة زبادي أو ممكن يستبدل برايب أو حليب.
- عدد ٢ بيضة كبيرة (لو صغير يبقي ٣)
- ٢ كيس فانيليا أو معلقة كبيرة فانيليا سائلة (تفضل الفانيليا السائلة )
- كيس بيكينج باودر
- رشة ملح
- نصف كوب سمن أو( زبدة علي زيت ).
الطريقة :-
*نقوم بتشغيل الفرن عشان يسخن علي درجة حرارة ١٨٠ درجة مئوية.
١- في بولة،نضع المكونات الجافة : نضيف البسبوسة ،الدقيق وعليهم رشة الملح وكيس البيكينج باودر.
٢- في طبق نضيف البيض وعليه الفانيليا ونقلبهم، ثم نقم باضافتهم علي المكونات الجافة.
٣-نضيف الحليب أو الزبادي
(في حالة استخدام الزبادي، سوف نقم باضافه الماء بمقدار العلبة ،أما في حالة استخدام الحليب سوف نستغني عن الماء).
٤-نعجن الخليط لغاية ما نتأكد كل المكونات اختلطت مع بعض .
٥-نقوم بدهن صينية متوسطة بالسمن أو الزبد.
٦-نقوم بإضافة الخليط في الصينية،ونتركه لمدة ١٠ دقائق حتي يرتفع (لاننا قولنا هي ما بين البسبوسة والكيكة)
٧-ندخل الصينية في الفرن مع تقليل درجة الحرارة (١٦٠درجة مئوية) وتترك لمدة تتراوح ما بين ٣٠ إلي ٤٠ دقيقة .
٨-أول ما تبدأ الحروف بالاحمرار والسطح يصبح لونه ذهبي ،فهي بذلك أصبحت جاهزة
٩-نقم بإخراج الصينية من الفرن وإضافة الشربات (طريقته وضحناها مسبقا) ،ممكن نضيف أي نوع من المكسرات لو حابين ،وبس كده وبالهنا والشفا علي قلوبكم .
