طرق 🍗 دجاج كنتاكي المقرمش و كفتة رز صدور فراخ مقرمشة و كبسة الدجاج 🍗

الملف دا كنز هيخليكي ست بيت شاطره أو طباخ ماهر تعالو بقي اقولكم على اقوى الاكلات 🍗 دجاج كنتاكي المقرمش و كفتة رز صدور فراخ مقرمشة وطعمها يخطف 👌🔥 و كبسة الدجاج 🍗🍚

🍗 دجاج كنتاكي المقرمش

المقادير:

 • 1 كيلو فراخ (قطع حسب الرغبة)

 • 2 كوب دقيق

 • 1 معلقة كبيرة بابريكا

 • 1 معلقة كبيرة بودرة ثوم وبصل

 • 1 معلقة صغيرة ملح

 • 1 معلقة صغيرة فلفل أسود

 • 1 معلقة صغيرة بودرة فلفل حار (اختياري)

 • 1 كوب لبن أو زبادي (لتتبيلة الفراخ)

 • زيت غزير للقلي

الطريقة:

 1. تبلي الفراخ بالملح + الفلفل + اللبن أو الزبادي واتركيها في التلاجة ساعة على الأقل.

 2. في طبق واسع، اخلطي الدقيق مع البابريكا + بودرة الثوم والبصل + الفلفل الأسود + الفلفل الحار.

 3. غمسي كل قطعة فراخ في خليط الدقيق كويس لحد ما تتغطى بالكامل.

 4. سخني الزيت على نار متوسطة-عالية، واقلي الفراخ لحد ما تاخد لون دهبي ومقرمشة.

 5. طلعيها على مصفاة أو ورق مطبخ عشان يتشرب الزيت الزائد.

التقديم:

قدمي دجاج كنتاكي سخن مع بطاطس مقلية وصوصات زي المايونيز أو الباربكيو أو صوص الثوم 😋

الطريقه الثانيه 🫰 👇 😍 

كفتة رز صدور فراخ مقرمشة وطعمها يخطف 👌🔥

المقادير:

 • 1/4 كيلو صدور فراخ مفرومة

 • 2 كوب دقيق رز

 • بصلة متوسطة

 • 5 فصوص ثوم

 • كوب مياه

 • ربطة بقدونس مفروم

 • ربطة كزبرة مفرومة

البهارات:

 • ملح، فلفل أسود

 • كمون

 • كزبرة ناشفة

 • بابريكا

 • زعتر (مهم جدًا)

⸻

الطريقة:

 1. في الكبة أو الخلاط، افرمي البصل مع الثوم مع بعض.

 2. أضيفي الخضروات (البقدونس والكزبرة) واهرسيهم مع بعض.

 3. في بولة تانية، اخلطي دقيق الرز مع البهارات كويس.

 4. نزلي خليط الخضار تدريجيًا على الدقيق مع الماء حتى تتكون عجينة متماسكة.

 5. شكلي الكفتة على شكل أصابع أو كرات صغيرة.

 6. اقلي الكفتة في زيت غزير حتى تتحمر وتبقى مقرمشة.

⸻

الصلصة:

 • 1 لتر عصير طماطم

 • 1 قرن فلفل حار مفروم

 • ثوم مفروم

 • سمنة

 • كزبرة ناشفة

 • 2 معلقة صغيرة خل

 • 2 معلقة صغيرة صلصة (كاتشب)

 • ملح، فلفل، بهارات

 • معلقة صغيرة سكر

⸻

طريقة تحضير الصلصة:

 1. شوحي الثوم مع الفلفل الحار في السمنة كأنها طشة.

 2. أضيفي الخل وقلبي.

 3. أضيفي عصير الطماطم، الصلصة، الملح، الفلفل، البهارات، السكر واتركيهم يغلو مع بعض.

 4. ضيفي الكفتة المقلية وخليها تغلي مع الصلصة شويه.

 5. أضيفي مكعبات البطاطس وسيبيها تستوي مع الصلصة والكفتة

الطريقه الثالثه 👇 😍 😍 🔥 

كبسة الدجاج 🍗🍚

المكونات:

 • دجاجة مقطعة 8 قطع

 • 3 كوب أرز بسمتي منقوع نص ساعة

 • 3 بصل مفروم

 • 2 طماطم مبشورة

 • 2 ملعقة كبيرة صلصة طماطم

 • 4 فصوص توم مهروس

 • 2 حبة جزر مبشور

 • 1 فلفل أخضر حار (اختياري)

 • 5 كوب مرقة أو مية سخنة

 • 2 ملعقة كبيرة سمنة أو زيت

بهارات الكبسة:

عود قرفة – 4 حبهان – 4 قرنفل – 2 ورق لورا – رشة جوزة الطيب – رشة كركم – رشة كمون – رشة بهارات كبسة أو بهارات مشكلة

⸻

الطريقة:

 1. سخني السمنة وشوحي البصل لحد ما يتحمر.

 2. ضيفي التوم ثم الطماطم والصلصة والجزر والبهارات وقلبي كويس.

 3. نزلي قطع الفراخ وشوحيها لحد ما تاخد لون.

 4. صبي المرقة وغطي واسيبيها تغلي ربع ساعة لحد ما الفراخ تستوي نص سوى.

 5. شيلي الفراخ على جنب، وضيفي الأرز للمرقة وسيبيه يتشرب.

 6. رتبي الفراخ فوق الأرز، وغطي على نار هادية لحد ما الأرز يستوي (حوالي 25 دقيقة).

 7. قدمي الكبسة وزيني بالمكسرات المحمصة (لوز وصنوبر وزبيب).

⸻

💡 ممكن تحطي فحمة مولعة في ورقة فويل جوه الحلة آخر 5 دقايق وتغطيها عشان تاخدي طعم مدخن جميل

وبالهنا والشفا ❤️ 🙏