طريقة عمل الملوخيه بدون مخرطة نهائيا
هل تعلم ماهي القيمه الغذائية للملوخيه تساعد الملوخية في الحفاظ على صحة الجلد، والشعر، وزيادة إنتاج الخلايا بسبب احتوائها على فيتامين أ، وفيتامين إي، ومضادات التأكسد التي تحمي من تطور التجاعيد، وتحافظ على نضارة وشباب البشرة، وتحمي من الإصابة بسرطان الجلد. تحتوي الملوخية على فيتامين سي الذي يساعد على تقليل أعراض البرد والإنفلونزا، وأعراض الربو.
اول حاجه لازم تاخدي بالك منها وانتي بتشتري الملوخيه تكون ذات أوراق خضراء اللون وشكلها يفرح القلب كده
وبعدين تعالي اقولك تطبخيها ازاي 🍑
اولا علشان تعملي ملوخيه هنحتاج معانا:
1- الملوخيه ودي أساس الطبخه
2-شربه فراخ او شربه لحمه او حتي مرقه دجاج النكهه اللي تحبيها
3-حوالي 6 فصوص ثوم او علي حسب الكميه الملوخيه وتبع رغبه عايزه ثوم قليل ولا كتير في الملوخيه
4-كزبره ناشفه
وتعالي اقولك هنعملها ازاي ندخل علي طريقه التحضير:
اولا :
هتجيبي الملوخيه الخضراء تقطفيها عادي خالص وبعدين تاخديها في المصفه بتاعتك وتغسليها كويس جدا جدا وبعدين هترحي تقشري الثوم وتفرميه يكون جاهز علي جمب لحد مانحتاجه.
ثانيا:
اغلي إناء مياه علي النار بكميه مناسبه للملوخيه وبعدين ضعي الملوخيه داخل الإناء واتركيها تغلي 5 دقائق علي النار وبعدين تقومي بتفريغ الملوخيه الي إناء ماء بارد حتي تبرد.
ثالثا:
صفي الملوخيه كويس جدا وبعدين افرميها في الخلاط نص فرمه كده يدوب علشان متطلعش ناعمه اوي مش هتبقي حلوه لازم تكون زي بتاعت المخرطه فتافيت صغيره جدا.
ملحوظه : يفضل انك تفرمي الملوخيه بمرقه الدجاج او الشربه بلاش تضيفي ماء اثناء الفرم.
تعرفي ان انتي كده كونتي خلاص عرق الملوخيه اللي هتقدري تظبطي عليه القوام بتاع الملوخيه وبعد خطوه الفرم دي ممكن تفرغيها في أكياس تلاجه وتخزنيها في الفريزر وهي دي طريقه تفريز الملوخيه.
اما بقي لو هتعمليها في نفس اليوم كملي الوصفه معايا 🌿
رابعا:
احضري إناء فارغ واسكبي فيه خليط الملوخيه وشوفي القوام بتاعها تمام ولا محتاج تزودي شربه وبعدين تذوقي الملوخيه اضبطي الملح بتاعها بعد كده ترفع علي النار هادئه مع التقليب حتي تبدأ في الغليان بس نطفي النار علطول متسيبيهاش تغلي علي النار علشان الملوخيه بتسقط في الحله يدوب غلوه واحده ونطفي.
خامسا:
احضري طاسه فارغه ضعي فيها 3معلقه سمنه او زبده او زيت ارفعيها علي النار وشوحي فيها الثوم المفروم مع معلقه صغيره من الكزبره الناشفه قلبيهم علي النار لحد ماتتحول للون الأصفر الفاتح وبعدين تشيليها من علي النار وتسكب فورا فوق الملوخيه وهي سخنه لزوم الطشه بتاعت الملوخيه.
ملحوظة : كل ما تحمري الثوم بيغمق معاكي و بيمرر طعم الملوخيه بلاش تشوحيه كتير علي النار يدوب يصفر الثوم معاكي تنزلي بيه علي الملوخيه علطول وبالهنا والشفا. 
عندي بقي طريقه تانيه اسرع للملوخيه تعالي اقولك عليها.
اولا :
بتقطفي الملوخيه عادي خالص.
ثانيا:
بتغسلي الملوخيه كويس جدا.
ثالثا:
بتصفي الملوخيه من الميه وبتاخديها علي الخلاط علطول تفرميها بشويه شربه او مرقه.
رابعا:
احضري إناء واسكبي فيه الملوخيه المفرومه وارفعيها علي النار يدوب غلوه صغيره وتطفي.
خامسا:
احضري الطاسه ضعي 3معالق زيت او سمنه ارفعيها علي النار وشوحي فيها الثوم المفروم والكزبره الناشفه حتي يصفر معاكي علطول تطفي عليها وتنزلي بيهم فوق الملوخية وهي ساخنه لزوم طشة الملوخية وبالهنا والشفا.
ما هي طريقة عمل الملوخية المصريةالمجمده في الفريزر؟
طريقة تحضير الملوخية المجمدة:
ضع الملوخية جانبًا حتى تذوب بدرجة حرارة الغرفة قبل استخدامها.
أضف الملوخية لقدر المرق، واخفض درجة الحرارة.
قلّب الملوخية لتذوب تمامًا مع المرق.
أضف صلصة الطماطم، واخفقها جيدًا لتحصل على قوام سميك.
أضف المزيد من المرق لتحصل على القوام المطلوب.
ثم تاخذ غلوه علي النار مع التقليب بعد ما ظبطنا الملح والقوام مظبوط نطفي عليها.
ونحضر طاسه ساخنه علي النار ب3معالق سمنه نشوح الثوم المفروم ومننساش الكزبره الناشفه لحد ما تاخد اللون الأصفر وننزل بيها فوق الملوخية.
وكده بقي عندنا احلي طبق ملوخية.
إليك طريقة عمل الملوخية الناشفة باتباع الخطوات الآتية:
ضع الزيت في قدرٍ على النار متوسطة ثمّ أضف الثوم وقلّبه.
أضف الكزبرة ومرق الدجاج أو اللحم بحسب الرغبة، والملح إلى القدر، واغليه لمدة 15 دقيقة.
أضف الملوخية الناشفة.
حرّك المكونات جيّدًا، وأبقيه على نار هادئة حتى ينضج، ثم قدمه.
وبكده نكون عملنا الملوخيه في أسرع وقت ممكن
طريقه عمل الملوخيه بالطماطم :
1
نحضر حله ونضع فيها البصل المفروم ناعم جداً مكعبات ونحط فصين ثوم مدقوقين ونحط عليها كل البهارات ملح فلفل اسود كمون شطه كزبرة ناشفه وندعكها باليد كويس قوووي
2
بعد كده نجيب ٤طماطم مضروبه بالخلاط ونزلها على البصل ونقلب ثم نولع النار ونحط شويه زيت ونسيبها تتسبك شويه ونحط مكعب الماجي معاها
3
بعد كده ننزل بالملوخيه عشان تغلي شويه مع الطماطم وتخليها زي مانتي بتحبيها تقيله او خفيفه
4
وفي طاسه نحضر الطشه حنحط زيت وننزل بالثوم والكزبره الناشفه ونزلهم عالملوخيه ونسيبها تغلي غلوه بعد كده نطفي عليها وبالف هنا وشفا
يحكي انه في قديم الزمان :
أشارت المراجع التاريخية إلى أن طعام الملوخية يعود لمطبخ مصر القديمة، حيث اعتقد المصريون في بادئ الأمر أنها نبتة سامة، وعند احتلال (الهكسوس) لمصر أجبروا المصريين على تناولها. فاستطابها المصريون وعلموا فوائدها. ومنها انتقلت إلى البلدان العربية الأخرى عبر الفتوحات والرحلات والتجار.
