وجبه اليوم صنيه بطاطس بالفراخ

صينية الفراخ بالبطاطس في الفرن

وصفة سهلة بطعم بيتي لذيذ

 صينية الفراخ بالبطاطس في الفرن من أشهر الأطباق الرئيسية اللي بتجمع بين سهولة التحضير والطعم اللي يعجب اي حد وهي وصفة مناسبة للغداء العائلي، خاصة اما نحتاج  وجبة مشبعة ممكن نحضرها بمكونات بسيطة ومتوفرة في اي بيت و كمان سريعه فالتحضير من غير مجهود.

علشان نحضر صينية تكفي تقريبا 4 أشخاص، هنحتاج  كيلو من قطع الدجاج، و4 حبات من البطاطس، وبصلة كبيرة، و2  طماطم، وفلفل أخضر حسب الرغبة.

أما التتبيلة فتحتاج ملعقتين من الزيت، وعصير ليمونة، وملعقة صغيرة من الملح، ونص ملعقة صغيرة من الفلفل الأسود، وملعقة صغيرة من البابريكا، ونصف ملعقة من الثوم البودرة، و اخيرا ملعقة صغيرة من البهارات المشكلة.

طريقة تحضير صينية الفراخ بالبطاطس

هنبدا بغسل قطع الدجاج كويس ونجففها من الماء بمناديل مطبخ، و نحطهت في وعاء مناسب ونضبف عليها مكونات التتبيلة. نقلب قطع الدجاج كويس لحد ما تتغطى بالتتبيلة من جميع الجوانب، ويُفضل نسيبها في التتبيله لمدة 30 دقيقة على الأقل علشان تتشرب النكهات.

في الوقت ده، نقشر البطاطس ونقطعها  لشرائح متوسطة، و نقطع البصل والطماطم والفلفل لشرائح. و نفرش الخضار في صينية مناسبة للفرن، و نرشها بالملح والفلفل والبهارات و نقلب الخضار مع بعض علشان يشرب من التتبيله.

تسوية صينية الفراخ في الفرن

نحط قطع الدجاج فوق الخضار،  و يُضاف حوالي نص كوب من الماء أو المرق إلى قاع الصينية. تُغطى الصينية بورق الألومنيوم وتدخل فرن مسخن مسبقًا على درجة حرارة 200 درجة مئوية.

مسيب الصينيه لمده من  45 ل60 دقيقة تقريبًا، مع متابعة درجة النضج حسب حجم قطع الدجاج والبطاطس. بعد التأكد من سوا الخضار و الدجاج، نشيب  ورق الألومنيوم ونسيب  الصينية تحت الشواية  دقائق لحد ما الدجاج ياخد لون ذهبي حلو  وتتحمر البطاطس.

نصائح للحصول على نتيجة أفضل

علشان الفراخ تطلع طرية و البطاطس مستويه ومحمرة، يُفضل عدم تقطيع البطاطس إلى شرائح سميكة جدًا. و كمان كل ما نسيب قطع الدجاج في التتبيلة لمدة أطول ده  بيساعد على تحسين النكهة.

و كمان لازم نتأكد من تسخين الفرن كويس قبل ما ندخل الصينيه و اضافه الماء يكون بقدر مناسب علشان مانسلقش الخضار و ناخد نكهه مشويه مميزه.

و ممكن نتبل الفراخ قبلها بيوم و نسيبها فالتلاجه هتشرب من التتبيله كوبس و هتسهل عليها شغل تاني يوم لو حابين نعملها في عزومه مع اصناف تانيه 

طريقة تقديم صينية الفراخ بالبطاطس

تقدم الصينية  ساخنة مع رشه من الكزبره الخشراء الفريش و  جنبها  رز أبيض أو رز بالشعرية، وممكن إضافة طبق من السلطة الخضراء أو الطحينة والمخللاتبجانب الوجبه .  خلينا فاكرين مفيش اسهل من الطبخ و خصوصا اما الاكله تكون مناسبه لكل الاءواق و لذيذه و بألف هنا .

جربوها و مستني رأيكم